Diario de Noticias de Gipuzkoa

Miércoles, 16 de julio de 2008

Foros
Hemeroteca

Cultura

Ocio

Cartelera

Comunicación

Televisión

Pdf

Cesare Pavesen poesia aztertzen dituen lana kaleratu du Euskal Idazleen Elkarteak

fito rodriguezek eta jerardo elortzak galeuscaren manifestua irakurri zuten atzo

Donostia. Euskal Idazleen Elkarteko (EIE) Hegats bildumaren azkeneko txosten monografikoa Cesare Pavese idazle italiarraren bizitzan eta obran oinarrituta dago. Jose Angel Irigarai, Miguel Angel Unanua eta Xabier Lete idazleen lanari esker liburu hau argitaratu berri du autore euskaldunen taldeak.

Irigaraik eta Unanuak atzo aurkeztu zuten bildumaren 41. alea Donostian antolatutako prentsaurrekoan. Bertan, EIEko lehendakariak, Fito Rodriguezek, eta elkarteko lehendakariordeak, Jerardo Elortzak, parte hartu zuten.

Jadanik EIEak 25 urte bete ditu "euskal idazleen eskubide moral eta profesionalak defendatzen" eta horrela gogoratzen du argitaratu berri duten 14. Kalegats aldizkariak.

Cesare Pavese. Bizitza eta literaturaren mugan . Hauxe da Jose Angel Irigaray idazleak txosten monografikoarentzat prestatu duen lanaren izenburua. "Bizirik dagoen idazlea da", azpimarratu zuen idazleak. Cesare Pavesen bizitza aztertzeaz gain, bere obra guztien erreferentzia zehaztu du bere lanean.

Jarraian, Xabier Letek Pavesen inguruan gogoeta bat aurkezten du. Azkenik, Miguel Angel Unanuak itzuli dituen Paveseren azken poemak osatzen dute liburua. Olerkiak euskaraz eta bere jatorrizko hizkuntzan ere azaltzen dira.

'mundu poetikoa' Unanuaren asmoa irakurleari Pavesen "mundu poetikoa" hurbiltzea izan da. "Sortzaileaz gain, poesiari buruzko gogoeta sakonak egiten zituen", azpimarratu zuen.

Pavesen obra "kasualitatez" iritsi zen Unanuaren eskuetara, baina, hasiera-hasieratik idazlearen "hurbiltasuna" nabaritu zuen eta hori da bere lanarekin agerian utzi nahi izan duena.

Aurkezpenari amaiera eman baino lehen, Fito Rodriguezek eta Jerardo Elortzak hizkuntzen alde Galeusca Federazioaren Manifestua irakurri zuten.>i.m.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

MIRARTECine

ZINEMALDIA: La dirección se reunirá con las instituciones para solucionar el déficit

Otras noticias

Haznos tu página de inicio | Visite también www.noticiasdealava.com | www.noticiasdenavarra.com