Diario de Noticias de Gipuzkoa

Viernes, 04 de julio de 2008

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Aldapan behera beldurrik gabe

Goitibehera lehiaketa jendetsua jokatu zen atzo Usurbilen

Goitibehera bat azken bihurgunean sartu aurretik.

argazkiakiker azurmendi

Usurbil. Asteartean hasi ziren Usurbilgo Santa Isabel festen barnean, Goitibera lehiaketa jokatu zen atzo arratsaldean. Urteak ziren lehiaketa hau egiten ez zela, baina aurten, herriko gazteen ekimenez, berriz antolatu dute. Ibilbidea kale Zahar auzoan hasi eta Artzabal auzoraino doan aldapan behera atondu zuten. "Abaila handia har-tzen da hemen eta bihurgune txarrak ditu ibilbideak", zioen partehartzaile gazte baten osabak, bere ilobari aholkuak ematen zizkion bitartean, "ez duzue irabazi beharrik, ondo pasatzea da garrantzi-tsuena eta kontuz ibili". Zazpi bikote lehiatu ziren eta goitibeherak egiteko denak balio duela argi utzi zuten, patinetearen zatiak, bizikleta, auto nahiz motoen gurpilak... Partaideak Usurbil, eta inguruko herrietatik hurbildu ziren lehiaketara, "lehengo astean Lasarte-Oriako lehiaketan parte hartu genuen eta gaur Usurbilera etorri gara Zubietako lagun batzuekin batera" esan zuen Andoaingo bikote batek. Partaide gazteenek 11 eta 12 urte zituzten eta ez zeuden oso ziur beren goitibeherarekin, "kurban azkarregi bagoaz, nik salto egingo dut, ez ditut Usurbilgo festak galdu nahi" esan zion batek besteari txapelketa hasi aurretik.

Lehiaketarako hitzordua arratsaldeko bostetan jarria bazegoen ere, sei eta erdiak arte ez zen hasi, koadrilen arteko herri kirol txapelketa ere berandu amaitu baitzen. Partehartzaileek bitan jaitsi behar izan zuten Artzabaleraino zeraman aldapa eta tentsio uneak bizi izan ziren ibilbideko bihurgune itxienetan.

Bestetik, atzoko eguna haurrei zuzendutako ekitaldiz josita egon zen. Goizean goizetik umeen esnadeia ibili zen kalez kale txistulariekin, umeentzako jolas pila antolatu zituzten goiz eta arratsaldez Dema plazako nahiz Artzabalgo plazako ludotekan eta arratsaldeko bostetan, frontoian izan zen Zirika Zirkus pailazoen ekitaldia jendez gainezka egon zen.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

MIRARTECultura

EL REBOTE DE OTEIZA: Azkoitia inaugura la segunda fase de los frontones inspirados en el escultor

Otras noticias

Haznos tu página de inicio | Visite también www.noticiasdealava.com | www.noticiasdenavarra.com