|
Ohitura zaharrak berreskuratzen saiatuko dira Sanjuandegiko festetan
Bihar hasi eta ekainaren 8ra arte Udaberri Jaiak ospatuko ditu Azpeitiko auzoak
Judo erakustaldia eta haurrei zuzendutako krosa izango dira aurten, besteak beste, ekitaldi berriak
Mutil bat Sanjuandegi auzoan jarritako zaldiko-maldikoan ostiral arratsaldean.argazkia: k.f.
Azpeitia. Bihar hasi eta ekainaren 8ra bitartean Udaberri Jaiak ospatuko ditu Azpeitiko Sanjuandegi auzoak eta berrikuntza ugarirekin iritsiko dira aurtengo festak. Izan ere, aspaldiko ohiturak berreskuratzen saiatu da Festa Batzordea eta, honela, galduta egon diren judo erakustaldia edota umeen krosak egingo dituzte berriro.
"Azken urteetan beti ekitaldi berdinak egiten zirela konturatu ginen eta gehienek ez zuten parte har-tzeko aukerarik ematen. Horregatik, garai bateko ekintza asko galduta zeudela eta beraietan herritarrek asko parte hartzen zutela jakin dugu eta aberasgarri izan daitekeelakoan, ekimen horiek antolatzea erabaki dugu", adierazi zuen Festa Batzordeko kide den Alex Silvak.
Era berean, festetako protagonista nagusiak azpeitiarrak izateak pisu handia izan duela egitaraua osatzeko orduan nabarmendu zuen Silvak: "Herriko jaiak herritarrentzat izatea da helburua eta irizpide bezala azpeitiarrak izatea erabili dugu ikuskizunak kontrata-tzeko orduan. Lehenbizi herritarrei deitu zaie emanaldia egiteko eta kasu guztietan bertakoak ez diren arren, jaso dugun erantzunarekin oso gustura gaude. Honela, lagun-tza bat eskaini nahi diegu", azaldu zuen Festa Batzordeko kideak.
Sanjuandegi auzoko Festa Ba-tzordea aro berri batean sartu da eta azken urteetan jaiek izan duten beherakada ikusita, auzoko elkarte desberdinak batu dira festak indartu nahian. Modu honetan, ba-tzorde berri hau, Bide-Ona tabernarien taldeak, Gu-Iturri, Vivero eta Loiola Bide-Zahar elkarte gastronomikoek, auzokide batzuk eta aurreko batzordeko kideek osatzen dute.
"Festa Batzorde indartsu eta finko bat izatea da helburua. Azken urteetan beheraka joan da eta zerbait egin behar zela ikusten genuen. Talde desberdinak batu dira eta festei indarra eman eta berpizten saiatuko gara hemendik aurrera. Ahalegin handiak egin ditugu eta esfortzu guzti honen fruituak ikustea espero dugu eta ea Udaberriko Jaiak ahalik eta ondoen joaten diren", gaineratu zuen Silvak.
|
|
LA PREGUNTA A LOS LECTORES
DEPORTESCiclismo
- ARMSTRONG
- El estadounidense anuncia su presencia en el Giro
SUSCRÍBETE
- BOLETÍN DE TITULARES DEL DÍA
- Introduce tu dirección e-mail y recibirás cada mañana los titulares más importantes en tu correo
© NOTICIAS DE GIPUZKOA
Avda. Tolosa 23 · 20018 Donostia · GIPUZKOA ·
Tel 943 319 200 · Fax Administración
943 223 900 · Fax Redacción 943 223 902
Enlaces patrocinados:
Inmobiliarias |
Disfraces |
Agencias de publicidad |
Tiendas de electrónica |
Cirugía estética |
Inmobiliarias |
Asesorías |
Peluquerías |
Muebles |
Clínicas |
Seguridad |
Mudanzas |
Viajes |
Hostales |
Taxis |
Hogar |
Hoteles |
Cerrajeros |
Farmacias |
Rótulos |
Armarios |
Trabajo |
Hosting |
Ocio en Gipuzkoa |
Hoteles en Madrid |
Hoteles en Barcelona |