Diario de Noticias de Gipuzkoa

Lunes, 05 de mayo de 2008

Foros
Hemeroteca

Donostia

Al día

Zeraindik Urbian gora ardiz inguratuta

maiatzaren 1ean igo zituzten ardiak zeraindik aramburu anaiek, uda bertan pasako dute

Juanjo Aranburu -eskuinetik bigarrena- Urbiara igotzeko lagun izan duen taldearekin.argazkia: j. antxustegitxarte

juan luis bikuña

zerain. Zerain herriak, beharrezkoa zuen birmoldaketa egin du orain hamarkada batzuk bertako biztanleen kontzientzia eta lanari esker. Burdin meategiak aspalditxo agortu ziren; merkataritzarako bideek antzina aldatu zituzten norabideak eta herria bera bakardadean geratzen hasia zen, Aizkorri mendikatearen magalpean eta Goierriren bihotzean ezkutaturik.

Gaur, Zerainek bere tokia aurkitu du eta ingurumen, nekazaritza, ar-tzaintza eta turismoaren laguntzaz haize berrien arnasak hartzen ditu.

Maiatzaren lehenean, marraka batean eta behe laino itxi baten azpian esnatu ziren Zeraingo larreak. Aldatze baserriaren zelaietako ehunka ardien bee eta dunbaotsek urratzen zituzten egunaren lehen ordu lasai haiek, zerbait berria somatuko balute bezala... Eta bai, Urbiako larreak, udako larreak, artzaintzarako ireki zituzten orduan.

Juanjo Aramburu eta Mari Angeles Iñurrategi, senar-emazteak, artaldea bidean jartzeko prestakizunak betetzen ari dira goizean goizetik. Gero, Jexus Aranburu eta bost laguntzailek, Juanjo eta Jexusen artaldearekin bat eginik, gorantz hartuko dute martxa.

Barbari auzoa pasa eta Basozabal baserriko artzaina agurtu ondoren, Zerainmendi barrenetik pista zabalean sartu eta, Aizkorrira begira doa martxa eguzki ederpean. Oar-tzutzako artzai-borda zaharren ondotik eta putre koadrila baten begirada zorrotz eta mehatxapean, Andraitzeko lepoa hartzeko azken aldatz garratz eta konplikatuak gainditzeko prestatu beharra dago, ez da ez erraza 750 ardiburuekin Andraitzeko pasoan mugitzea.

Urbia aldera ematen duten larreak zapaldu eta, berehala, ardiak gustura larratzen dira belar fresko eta berdean. Poliki-poliki, artalde eta zaintzaileek (Jexus, Iñaki eta Juan Luis aurrean, Gabi, Joseba eta Aitor atzean) Lazkaola-tzako Basazabal saroera bidea har-tzen dute... Artzainentzat, Urbia toki berezia da. Juanjo Arambururentzat, "hemen goian, sekulako lasaitasuna, pake ikaragarria eta askatasuna sentitzen da", Urbia "txikia da Haundimendi edota Aralarekin konparatzeko, baina larre fina du, errekatxo polita eta babestokiak ardientzat".

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

REAL SOCIEDAD

Polémica con Jesuli: Badiola prueba el consentimiento de Jesuli a la grabación con otro registro

Otras noticias

Haznos tu página de inicio | Visite también www.noticiasdealava.com | www.noticiasdenavarra.com