Mendia eta kosta uztartuz
Lehenengo aldiz hiru eskualdetako sustapen elkarteek bat egin eta Gipuzkoan zehar lau ibilbide gidatu proposatzen dituzte. Hitzordua igandero da, goizeko 9.00etan sei bat ordu ibiltzen eta ingurua ezagutzen pasa nahi dituen guztientzat
Paisaia ezinhobea talde honek ere topatu zuena aurreko ibilbide batean, gida aurretik zutela.
G OIZEKO 9.00etan, Orion, Zumaian, Deban edo Azpeitian. Aurretik izena ematea komeni da, baina taldean lekurik bada, bertan agertzearekin nahikoa da. Motxila bizkarrean, ogitartekoa barne, eta aurrera. Sei bat ordutan, Gipuzkoa barnealdeko eta kostaldeko lau ibilbide hobeto ezagutuko dituzte parte hartzen dutenek.
Lau eragile publiko ados jarri dira eta, orain artean eskualde mailan egiten zituzten ibilbide gidatuak, Gipuzkoan egiten dituzte orain igandero. Deba, Orio eta Zumaiako udalak eta Urola Erdiko Iraurgi Lantzen sustapen elkartea, Foru Aldundiaren laguntzareki8n eta Mendigida eta Begi Bistan enpresa pribatuekin batera, lau ibilbide antolatu dituzte. Txandaka, Oriotik Donostiara, Debatik Zumaiara, Zumaiatik Debara eta Loiolatik Ekain eta Zestoara eramango dituzte abenturazaleak.
Martxoan abiatu zuten egitasmoa eta urrira bitartean igandero errepikatuko dute. Igande honetan, Zumaiatik Debara joango dira. Normalean, 20 bat laguneko taldea osatzen da eta haiekin gida bat doa bide guztian zehar, itinerarioan zehar topatzen dituztenak azalduz. Kasu honetan, kostaldetik abiatuko dira eta bidean biotopo babestuaren ingurukoak eta flysch fenomenoaren xehetasunak ezagutuko dituzte.
Loiolatik Zestoarako ibilbidean, berriz, santutegia ezagutuko dute parte-hartzaileek, Izarraitzeko mendi multzoa eta Ekaingo kobazuloak, Zestoako herriaz gain.
Horiek guztiak euskaraz edo gaztelaniaz entzuteko aukera izango dute ibiltariek eta, atzerritarrak badira ere, ingelesez edo frantsesez mintzatzeko aukera ere emango dute gidari profesionalek, aurrez hala eskatuz gero.
Orain artean ere hainbat eskualdetan antolatu izan dituzte ibilbide gidatuak, uda garaian batez ere, baina lehenengo aldiz eskualde desberdinek bat egin dute orain eskaintza bakarra eta "indartsuagoa" lortzeko asmoz, Iraurgi Lan-tzeneko Jesus Mari Mujikak adierazi duenez. Azken finean, nolabait Gipuzkoa mailako eskaintza bateratu bat lortu nahi izan dute akordio honekin.
Orain arteko igandeotan eguraldiak gehiegi lagundu ez badu ere, hemendik aurrera eta uda gerturatu ahala gero eta parte-hartzaile gehiago biltzea espero dute antolatzaileek. Lagunartean, banaka, binaka eta familia guztiarekin ibilbidea osatu nahi duten guztiei zabalik dago proposamena, sei orduko ibilaldia gogoz ekiteko gogotsu egonez gero.
|
|
LA PREGUNTA A LOS LECTORES
MIRARTECultura
- QUINCENA
- Petra Lang y Ben Heppner actúan hoy con la ONE en el Kursaal
SUSCRÍBETE
- BOLETÍN DE TITULARES DEL DÍA
- Introduce tu dirección e-mail y recibirás cada mañana los titulares más importantes en tu correo
Destacados
- egutegia
-
Orio-Donostia. Itsasertzetik, Igeldoko lehen etxeak pasa eta hiribururaino. Ibilbide hau maiatzaren 11ean eta ekainaren 22an burutuko dute.
Deba-Zumaia. Hau ere itsasertzetik, fenomeno geologikoen inguruko xehetasunak ikasteko aukera ezinhobea. Ibilbidea maiatzaren 25ean, ekainaren 1ean, uztailaren 6an, abuztuaren 3an, irailaren 7an eta urriaren 5ean eskainiko dute.
Zumaia-Deba. Aurrekoa bezala, baina kontrako norabidean. Hau gustuko dutenek aukera izango dute igande honetan (hilak 4), ekainaren 8an, uztailaren 13an, abuztuaren 24an, irailaren 14an eta urriaren 12an.
Loiola-Ekain-Zestoa. Barnealdeko ibilbidea. Hau osatzeko aukera maia-tzaren 18an, ekainaren 15ean, uztailaren 20an, abuztuaren 17an, irailaren 21ean eta urriaren 19an izango dute hala nahi dutenek.
- LA FRASE
- Orain artean eskualde batzuetan eskaintzen zituzten ibilde gidatuak bateratu egin dituzte aurten
© NOTICIAS DE GIPUZKOA
Avda. Tolosa 23 · 20018 Donostia · GIPUZKOA ·
Tel 943 319 200 · Fax Administración
943 223 900 · Fax Redacción 943 223 902
Enlaces patrocinados:
Inmobiliarias |
Disfraces |
Agencias de publicidad |
Tiendas de electrónica |
Cirugía estética |
Inmobiliarias |
Asesorías |
Peluquerías |
Muebles |
Clínicas |
Seguridad |
Mudanzas |
Viajes |
Hostales |
Taxis |
Hogar |
Hoteles |
Cerrajeros |
Farmacias |
Rótulos |
Armarios |
Trabajo |
Ocio en Gipuzkoa |
Hoteles en Madrid |
Hoteles en Barcelona |