Diario de Noticias de Gipuzkoa

Domingo, 27 de abril de 2008

Foros
Hemeroteca

Cultura

Ocio

Cartelera

Comunicación

Televisión

Pdf

Esnob-ak ote gara? Tu-turu, tu-tura

Por Jabier Muguruza Ugarte

Aste honetan, Miquel Barcelo pintorearen erakusketa batean egon naiz. Donostian egin dute erakusketa, Okendo kultur etxean. Badakizu ez naizela aditua pintura kontuetan, baina gogokoa dut margolanak ikustera joatea.

Beharbada, nonbait irakurri nuenez, arteak errealitatea modu ezberdinean ikusten laguntzen ahal duelako; tira, esperantza horretan, behintzat.

Edo akaso -Paul Kleek zioen bezala-, artea ez delako existitzen agerian dagoena kopiatzeko, baizik eta mundutik haratago dagoena geure begien aurrean jartzeko.

Ez dakit, bada, kontua da haran-tza abiatu nintzela larunbat arratsaldean.

Gustukoa dut Barceloren pintura. Gustatzen zait margotzen duena, eta baita esaten duena ere. Erakusketan bertan honako testua topatu dut: "Eguneroko bizitzan, ustekabeko aurkikuntzei erreparatzen jakin behar da; begia trebatua izan behar dugu. Adi egoten bagara, gauzak gertatu egiten dira". Ni neu ere iritzi berekoa naiz puntu horretan.

Adituek zera esan ohi dute, pintore mallorkarrak bizitza eta heriotzari buruz pintatzen duela, denbora etengabe agertzen dela bere lanean... Denbora... Bizitza eta heriotzari buruz... zeri buruz, bestela.

Ildo horretatik, duela gutxi Juan Luis Goenagari irakurri nion euren belaunaldikoak pintore fisikoak direla, abereen modukoak, primitiboak, eta nik uste Barcelo ere soka horretakoa dela; niri gehien interesatzen zaidan soka, bide batez esanda.

Bukatu baino lehen, kontatuko dizut duela pare bat urte Barceloren beste erakusketa batean egon nintzela Donostian bertan, Okendo kultur etxetik berrehun bat metrora. Hartakoan, jende andana zebilen, koadroak mirespenez ikusten. Oraingoan, ordea, ia inor ez. Erakusketa xumeagoa dela onartuta ere, zerk bultzatu zuen hainbeste jende modako aretora, orain kultur etxera bultzatzen ez duena? Beste modu batera esanda: ez al gara esnob samarrak?

Musu handi bat politte.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión del Ayuntamiento de Donostia de dejar sin subvención pública a las tamborradas exclusivamente formadas por hombres?

POLÍTICAEuskadi

FRANQUISMO: Aún perduran en calles y paredes los símbolos de la dictadura

Destacados

LAS FRASES: Kleek zioen artea ez dela existitzen agerikoa kopiatzeko, baizik eta haratago dagoena begi aurrean jartzeko; Goenagari irakurri nion bere belaunaldikoak pintore fisikoak direla, abereen modukoak; soka horretakoa da Barcelo

Otras noticias

Haznos tu página de inicio | Visite también www.noticiasdealava.com | www.noticiasdenavarra.com