|

hondarribia. Aitor Kerejeta Hondarribiako alkatea Akartegi eta Hondartza kiroldegiaren inguruetako bizilagunekin bildu zen astearte arratsean, azken asteetan auzoz-auzo burutu duen bilera sortari amaiera emateko.
Bi ordu baino gehiago luzatu zen bilera honetan, bizilagunek zenbait kezka azaldu zizkioten alkateari. Kexa nagusienak, bileran entzun ahal izan zenez, "segurtasuna eta garraio falta" dira.
Jendea ez dago konforme Truck diskotekak dauzkan ordutegiekin eta Aitor Kerejetari beraien haserrea helarazi zioten "irteera orduetan gertatzen diren zarata, bandalismo ekintza eta segurtasun faltagatik".
Hondarribiako alkatearen hitzetan, "diskoteka azpiegitura egokia da hiriarentzat baina bertatik irteten diren gazteen gutxiengo horrekin gertatzen direnak hobeto kontrolatzeko neurriak areagotuko ditugu, hala nola, polizien presentzia nabarmenagoa eginaz".
balorazio baikorra Hondartza eta Akartegiko bizilagunekin egin duen bilera honekin amaitu du Aitor Kerejetak hiri osoan zehar egin duen bilera sorta.
Kiroldegian bildutakoek esker onez hartu zuten Udalaren ekimena eta alkateak berak ere, oso balorazio baikorra egin zuen aurretik Mendelu, Amute, Alde Zaharra eta Portura iritsi diren bilera hauei buruz.
Aitor Kerejetaren hitzetan, "gure nahia, datozen urteetan hirian egin nahi ditugun proiektuen berri ematea izan da, eta aldi berean, zuzeneko iradokizun eta kexak biltzea". >X.S.
|
|
© NOTICIAS DE GIPUZKOA
Avda. Tolosa 23 · 20018 Donostia · GIPUZKOA ·
Tel 943 319 200 · Fax Administración
943 223 900 · Fax Redacción 943 223 902
Enlaces patrocinados:
Inmobiliarias |
Disfraces |
Agencias de publicidad |
Tiendas de electrónica |
Cirugía estética |
Inmobiliarias |
Asesorías |
Peluquerías |
Muebles |
Clínicas |
Seguridad |
Mudanzas |
Viajes |
Hostales |
Taxis |
Hogar |
Hoteles |
Cerrajeros |
Farmacias |
Rótulos |
Armarios |
Trabajo |
Ocio en Gipuzkoa |
Hoteles en Madrid |
Hoteles en Barcelona |