Diario de Noticias de Gipuzkoa

Martes, 01 de abril de 2008

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Txalaparta eskainiko du Azpeitiko Gazteria sailak ikastaroen nobedadeen artean

Izena Zapo Txoko gaztelekuan eman beharko da

Sukaldaritza hasiberrientzat, Linux eta gizarte trebetasunak antolatu dituzte, besteak beste

Bi mutil txalaparta jotzen.argazkia: k.f.

Kristina Fernández

Azpeitia. Udaleko Gazteria sailak eta Gazte Informazio Bulegoak 2008. urteko bigarren hiruhilekoko ikastaroak antolatu ditu. Sukaldaritza hasiberrientzako, GNU/Linuxera migratzeko ikastaroa, txalaparta eta gizarte trebetasunek osa-tzen dute eskaintza berria eta 17 urtetik gorako herritar guztiei zuzenduta dago.

Aurtengo berrikuntza txalaparta ikastaroa izango da. "Orain dela bi urte antolatu zen baina ez zen talderik osatu, baina Unai Frantzesena irakasleak herri mailan taldea egin daitekeela uste du. Gainera, musikarekin lotutako zerbait egin nahi genuen eta horregatik antolatu dugu", azaldu zuen Gazteria saileko teknikari den Aloña Larrañagak.

Era berean, GNU/Linuxera migratzeko informatika ikastaroa eskainiko dute berriro, aurreko hiruhilekoan taldea sortzea lortu ez zuten arren. "Ikusiko dugu nola joaten den, zaila baita jendearen erantzuna asmatzea, baina azken saiakera izango da", aurreratu zuen teknikariak.

Hasiberrientzat sukaldaritza urtero antolatzen da eta arduradunek esaten duten bezala, "hemengo ikastaro izarra da. Beti eskaintzen da eta beti jendez gainezka egoten da. Aurrera begira, ordea, aurrerapauso bat ematea pentsatzen ari gara eta osagarri izan daitekeen zerbait antolatuko dugu", adierazi zuen Larrañagak.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

POLÍTICAGuerra con Irak

Bush: Reconoce que fue un error creer que Irak tenía armas de destrucción

Destacados

eskaintza: Sukaldaritza hasiberrientzat. Ander Oruesagastik zuzenduko ditu saioak. Apirilaren 14ean hasi eta ekainaren 9an amaituko da. 45 euro ordaindu beharko dira eta gazte, ikasle edo langabetu txartelarekin, berriz, 40 euro.
Txalaparta. Unai Frantzesenaren ikastaroa apirilaren 17an hasi eta ekainaren 12an bukatuko da, 16 ordu guztira. 40 euro kostako da eta gazte, ikasle edo langabetu txartelarekin 35 euro.
GNU/Linuxera migratzeko ikastaroa. Apirilaren 15, 17, 22, 24 eta 29an izango dira eta GISA elkarteak eskainitako ikastaroan parte har-tzeko 35 euro ordaindu beharko dira, eta gazte, ikasle edo langabetu txartelarekin 30 euro.
Gizarte trebetasunak. Hezkide Eskolaren ikastaroa doan izango da eta apirilaren 8, 9 eta 10ean izango dira eskolak Azpeitiko Sindikatu Zaharrean.

Otras noticias

Haznos tu página de inicio | Visite también www.noticiasdealava.com | www.noticiasdenavarra.com

© NOTICIAS DE GIPUZKOA
Avda. Tolosa 23 · 20018 Donostia · GIPUZKOA · Tel 943 319 200 · Fax Administración 943 223 900 · Fax Redacción 943 223 902