Diario de Noticias de Gipuzkoa

Martes, 25 de marzo de 2008

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Futbito eta mus txapelketak eta hainbat tailer egingo dituzte eskualdeko haurrek

aste honetarakoAzpeitia eta Azkoitiko ludotekek antolatutako ekimenak gaur hasiko dira

Azpeitia. Eskualdeko ehunka haurrek jolas, irteera eta txapelketa desberdinekin gozatzeko aukera izango dute gaurtik aurrera. Azpeitiko eta Azkoitiko Gazte Informazio Bulegoek eta ludotekek, Pazko Asteko oporraldira begira antolatutako egitarau zabalei esker, bost egunetan primeran pasatuko dute egitasmoetan izena eman duten gazteek.

Azpeitiko kiroldegia hamabi eta hamazazpi urte bitarteko gazteek beteko dute gaur eta bihar goizean zehar futbito txapelketa jokatzeko. Arratsaldean, berriz, espeleologia eta makillaje tailerrak landuko dituzte Zapo Txoko gaztelekuan 15.00etatik aurrera.

Sei eta hamabi urte bitarteko haurrek, aldiz, Iturri Txiki eta Txiki Txoko ludotekek antolatutako egitarauan sartuko dira buru belarri goizetan bakarrik egingo diren ekintzetan. Gaur, altxorraren bila jolasa eta malabar tailerra egingo dituzte eta bihar bizikletan ibiltzera irtengo dira monitoreek lagunduta.

Azkoitiko gazteak ere gaur hasiko dira Udaberriko ekintzak egitasmoaren baitan antolatutako ekitaldiak gozatzen. Hamabi eta hamazazpi urteko neska mutilak gaur mus txapelketan, play-station jokoan eta mahai jolasetan ibiliko dira eta bihar eskulanak egin eta squashean lehiatuko dira.

Azkenik, Abarketatxo ludotekak hiru eta hamabi urte bitarteko umeak hiru taldetan banatuko ditu adinaren arabera eta mozorro jaia, Txiki Parkera eta Zubiaurre igerilekura irteerak, oka eta abentura jolasak eta sukaldaritza tailerrak egingo ditu, besteak beste, datozen egunetan. >k.f.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

DEPORTESCopa

REAL UNIÓN-BETIS: El Real Unión se enfrentará al Betis en los octavos de final de la Copa del Rey

Otras noticias

Haznos tu página de inicio | Visite también www.noticiasdealava.com | www.noticiasdenavarra.com