Diario de Noticias de Gipuzkoa

Lunes, 17 de marzo de 2008

Foros
Hemeroteca

Gipuzkoa

Euskadi

España/Mundo

"Egunero etxetik kanpo bazkaltzekotan, estrategia osasuntsu bat eduki behar da"

d'elikatuz zentroko nutrizio teknikariak menu batean aukera egiteko gomendioak eskaintzen ditu

Un grupo de comensales, durante un banquete.

donostia. "Gero eta jende gehiagok bazkaltzen du egunero etxetik kanpo. Baina horrek ezin du gure osasunean eraginik izan. Horretarako, norberak estrategia bat prestatu behar du". Hori da Xabier Irastorzak, Ordiziako D'elikatuz zentroko nutrizio teknikariak, eguneko menuak jaten dituztenei eskaintzen dien gomendio nagusia. Aditu honen esanetan, gai honetan "asko" aurrera egin den arren, oraindik ere jatetxeek badute non ikasia eskain-tza osasungarriago bat izateko.

Irastorza bat dator Espainiako Osasun Ministerioak Gustino Proiektua abian jartzeko kontuan hartu dituen irizpideekin. Izan ere, bere ustez "beharrezkoak" dira horrelako ekimenak. "Gizentasunarekin lotutako gaitzei aurre egiteko oso garrantzitsuak dira horrelako programak", azpimarratu du.

Dena den, "ikusi egin beharko da" jatetxeek nola errespetatzen dituzten Madrileko Gobernuak proposatutako neurriak. Eta, hala ere, beti egongo da arduraren zati handi bat bezeroaren eskuetan edo, hobe esanda, sabelean.

Horregatik, bakoitzak bere buruari ezarri behar dion "estrategia" horretan, Irastorzak astero bizpahiru aldiz haragia jatea proposatzen du; gauza bera arrainarekin. Lekariak (lentejak, garbantzuak, babarrunak) bi edo hiru aldiz jatea garrantzitsua dela azaldu du. Eta fruta edo barazkiei dagokienez, egokiena egunero hiru fruta, berdura plater bat eta ensaladatxo bat jatea da. "Menuetako platerek saltsak izaten dituzte eta hori ez zaigu komeni egunero. Noizean behin ondo dago, baina ez da hori normalizatu behar", gaineratu du Irastorzak. >j.i.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

VECINOSDonostia

TAXIS: La tarifa nocturna de Donostia divide a clientes y conductores

Otras noticias

Haznos tu página de inicio | Visite también www.noticiasdealava.com | www.noticiasdenavarra.com