Diario de Noticias de Gipuzkoa

Martes, 19 de febrero de 2008

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Pagoeta elkarteak Donostiako Lilatoian parte hartzeko emakumezkoak behar ditu

zarauzko kirolzaleek 50 laguneko taldea osatu nahi dute martxoaren 2ko lasterketan aritzeko

zarautz. Zarauzko Pagoeta Mendizale Elkarteak 50 urte beteko ditu aurten eta urteurrena ospatzeko ekintza ezberdinak antolatu ditu. Horren harira, martxoaren 2an Donostian izango den Lilatoian parte hartzera animatu nahi ditu herriko emakumeak. Pagoetako kamiseta jantzi eta tren geltokian bilduko dira Gipuzkoako hiriburura joateko. "Bost kilometroko ibilaldian hankak astinduko ditugu, festa giroan, eta kamisetak harro erakutsiko ditugu, guztiok elkarrekin", azaldu dute Pagoetako kideek prentsa ohar baten bidez.

Lilatoian korrika egin eta gero, Zarautzera itzuliko dira eta Txiki Politen bazkalduko dute jaiarekin jarraitzeko asmoz. Pagoetak gutxienez 50 emakumeko taldea osatu nahi du Lilatoian parte hartzeko. Martxoaren 2ko ekitaldian parte hartu nahi dutenek Pagoeta Mendizale Elkartearen egoitzara (Santa Marina, 2) gerturatu beharko dute 19.30etik 20.30era. Ostirala izango da apuntatzeko azken eguna eta 6 euro ordaindu beharko dira.

Aurtengo 50. urteurrena ospa-tzeko ekitaldiez gain, igandetan irteerak eskaintzen jarraituko du Pagoetak eta datorren igandean Nafarroa aldera joango dira partehartzaileak. Etxauri mendatean hasiko da ibilaldia eta Txarakardia eta Ollakarizketa gailurretatik igaro ondoren, Belaskoain herrira jaitsiko dira mendizaleak. Azken hau zeharkatu eta gero, berriro gora joanez Villanueva tontorrera igoko dira eta bukatzeko, Perdon mendatea igoko dute.

Igandeko irteeran parte hartu nahi dutenek ostiralera arte izango dute izena emateko epea zabalik Zarauzko Mendizabal dendan. >a.l.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Considera que la eutanasia debería regularizarse mediante una ley, o cree que debe estar penalizada? ¿Qué le parece que se emita un suicidio asistido por televisión?

METEOROLOGÍA

Nieve en la costa: Los termómetros podrán bajar hasta los -6 grados durante estos días

Otras noticias

Haznos tu página de inicio | Visite también www.noticiasdealava.com | www.noticiasdenavarra.com