Diario de Noticias de Gipuzkoa

Viernes, 09 de noviembre de 2007

Foros
Hemeroteca

Cultura

Ocio

Cartelera

Televisión

Pdf

Zubien inguruko gogoeta egin du Lutxo Egiak bere hirugarren eleberrian

susa argitaletxeak kaleratu du bilboko zorrotzaurre auzoaren inguruan idatzitako lana

Liburuaren azala.argazkia: n.g.

donostia. Lutxo Egiak (Santander, 1969) Zubigilea izeneko bere azken liburua argitaratu berri du Susa argitaletxearen eskutik. Joseba Jaka V. Literatur Bekako saria jaso ondoren ekin zion eleberria idazteari eta atzo, Donostian egin zuen aurkezpenean, lanaren nondik norakoak azaldu zituen. "Hasieran modu lineal batean idatziko nuela pentsatu nuen arren, azkenean liburuan bi istorio eta bi denbora ezberdin nahasten dira", azaldu zuen.

Gorka Arrese editoreak esandakoaren arabera, "gaurko, etorkizuneko eta iraganeko istorioa da". Hala, egileak urte gutxi barru zeharo berrituko duten Deustuko Zorrotzaurre auzunea hartu du liburuaren ardatz gisa. Bertan itzelezko operazio urbanistikoa egingo dute eta, dagoeneko, Manhattan txikia deitzen diote. Enzo Padovano izeneko arkitekto ospetsuari egokituko zaio proiektua diseinatzea eta horren inguruan sortutako istorio eta pertsonaiak nahasten ditu Egiak, iraganeko Dimitri eta Sasarekin. Edorta Jimenez idazlearen aburuz, istorio "sotila" da Egiak sortu duena. "Liburu bakoitzak bere irakurleak behar ditu, eta Zubigilea irakurtzen dutenek inteligentzia behar dute", gaineratu zuen Mundakako idazleak.

Arkitektura, beraz, liburuko gai nagusienetakoa da, badaude futbolari keinuak eta baita gaur eguneko eraikuntza sistemari egindakoak ere. Ildo honetan, Egiak bi gogoeta berezi egin nahi izan dituela adierazi zuen, "zubia eta hiriarena". "Zubiek hurbiltzeko eta urruntzeko balio dute, komunikaziorako eta baita espekulaziorako ere", azaldu zuen. "Gerra Zibilean Bilboko errepublikarrek hiriko zubiak hautsi zituzten faxisten sarrera galeratzeko", aipatu zuen adibide gisa. >t.s.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Considera que la eutanasia debería regularizarse mediante una ley, o cree que debe estar penalizada? ¿Qué le parece que se emita un suicidio asistido por televisión?

SOCIEDADNavidad

OPARIAK: Erregeek ekarritako jostailuekin gozatu dute haurrek

Otras noticias

Haznos tu página de inicio | Visite también www.noticiasdealava.com | www.noticiasdenavarra.com