|

Pasaia. Trintxerpeko Karmengo Ama Eskolak datorren astean haur eta gurasoekin beste urteetan bezala Euskeraren Astea ospatuko du, aurten Ni naiz ni, zu zara zu, baina euskarak elkartzen gaitu lelopean.
Astelehen goizean, Maite Franko ipuin kontalaria Haur Hezkuntzan eta 1. mailan arituko da istorioak azaltzen. Eta arratsaldez ikasle guztiek gelak eta ikastolako txoko guztiak apainduko dituzte jai giroa sortzeko.
Horrela, astearte goizean, Haur Hezkuntzako eta 1. mailako ikasleak herri kiroletan jardungo dira: sokatira, lokotsak, txingak, eta abar... Beste ziklotako ikasleek, berriz, Euskaraz jo eta ke hamargarren literatur eta marrazki lehiaketan parte hartuko dute.
Asteazkenean, Euskal Herria ezagutuz kanpainaren barruan ikasle guztiak inguruko txokoren bat ezagutzera joango dira.
Ostegun goizean, 3. zikloko ikasleak Bidebieta eta Mendiola ikasleekin herri kiroletan jardungo dira Bidebietako kiroldegian. Maite Franco ipuin kontalaria berriro eskolan izango da, oraingoan 2., 3. eta 4. mailakoekin egoteko.
Baina jaiegun nagusia ostirala izango da. 15.15ean Haur Hezkun-tzako patioan Euskal Festa egingo dute: trikitixa, bertsoak (aurten bi bertsolari famatuekin: Uxue Alberdi eta Ander Lizarralde), lehiaketaren sari banaketa, herri kirolak gurasoentzat eta 6.mailako ikasleek prestaturiko merienda ikasle eta gurasoentzat egongo dira.
Eguraldi txarra eginez gero frontoian ospatuko dute festa. Ikastolak guraso guztiak ostiraleko Euskal Festara gonbidatuta daudela gogoratu du. >a.m.
|
|
© NOTICIAS DE GIPUZKOA
Avda. Tolosa 23 · 20018 Donostia · GIPUZKOA ·
Tel 943 319 200 · Fax Administración
943 223 900 · Fax Redacción 943 223 902
Enlaces patrocinados:
Inmobiliarias |
Disfraces |
Agencias de publicidad |
Tiendas de electrónica |
Cirugía estética |
Inmobiliarias |
Asesorías |
Peluquerías |
Muebles |
Clínicas |
Seguridad |
Mudanzas |
Viajes |
Hostales |
Taxis |
Hogar |
Hoteles |
Cerrajeros |
Farmacias |
Rótulos |
Armarios |
Trabajo |
Hosting |
Ocio en Gipuzkoa |
Hoteles en San Sebastian |
Hoteles en Bilbao |