Diario de Noticias de Gipuzkoa

Viernes, 26 de octubre de 2007

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

eae-anvko kideek lan taldeak osatu dituzte

Batzorde informatiboetan eta osoko bilkuretan parte hartuko dutela esan dute

tolosa. Tolosako EAE-ANV taldeko kideek "udal funtzionamenduan txertatzeko eta herrigintzaren alde egiteko" gaika lan taldeak osatu dituzte. Hala, Jokin Bildarratz alkateari eta idazkariari eskutitz bat helarazi diote euren eskakizuna kontutan hartzeko eskatuz.

"Lau hilabete pasa dira Udala eratu zenetik eta gure parte hartzeko gure eskaerak ez du inongo eran-tzunik jaso. Are gehiago, Tolosako Udalean hartzen diren erabakietan EAE-ANV taldeak parte hartzeko aukerarik ez izatean, erabaki horiek ez dute herritarren ordezkaritza osoaren erabateko bermea eta zilegitasuna", azaldu zuen Antton Izagirre, alderdiko ordezkariak.

Modu honetan, taldeko kideek udal batzorde informatiboetan eta Osoko Bilkuretan parte hartzeko erabakia hartu dute, arlo askotan lanean ari diren ordezkarien bidez. Horretarako, kide ezberdinak izendatu dituzte bileretan agertu eta ekarpenak egin ditzaten.

Talde hauen koordinatzailea Antton Izagirre izango da. Eider Elduaien gazteriarekin zerikusia duten gaiez arduratuko da, Hektor Espin hirigintzaz, Silvana Ostiza gizarte ongizateaz, Dabid Miangolarra ingurumenaz, Manex Kortajarena kulturaz, Aitor Iztueta kirolaz, Rebeka Calvo emakumeaz, gai sozio-ekonomikoez Begoña Aristi eta Koldo Maiz eta, azkenik, euskaraz eta aurrekontuez Antton Izagirre.

"Pertsona hauen parte-hartzea inongo trabarik gabe eta normaltasun osoz gauzatu dadin, zera eska-tzen diogu alkateari: lehenbailehen jar dezala gure eskura batzorde ezberdinen plangintza eta aurrerantzean dei iezaguzula batzorde bilera guztien eguna, ordutegia eta gai zerrendaren berri aurrez jakinaraziz", gehitu zuen Antton Izagirrek.

Tolosako EAE-ANV taldeak bizi duen egoera "diskriminatzaile eta ez demokratikotzat" jotzen du. "Bigarren indar politikoa gara eta bi mila tolosarren aukera politikoa udal jardueratik kanpo utzi du Alderdi Politikoen Legeak. Honetan, Jokin Bildarratzek sostengatzen duen PNV alderdiak erantzukizuna du", argudiatu zuten. >m.s.s.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

VECINOSDonostia

TAXIS: La tarifa nocturna de Donostia divide a clientes y conductores

Otras noticias

EB-Aralar exige que el 70% de las promociones sean de alquiler social

Haznos tu página de inicio | Visite también www.noticiasdealava.com | www.noticiasdenavarra.com