|
Legazpiko Izadi-Zaleak mendi taldeak 2007-2008 denboraldia hasi du
euskal herriaren iparraldea ezagutzea nahi dute eta bertara zortzi irteera antolatu dituzte
Txangoa.argazkia: izadi-zaleak
legazpi. Izadi-Zaleak elkarteko mendizaleek 2007-2008 denboraldiari hasiera eman diote jada. Irailean Samiño eta Akaitzen izan ziren eta urrian Picos de Europan eta Santa Teodosian izan dira dagoeneko. Asteburu honetan, berriz, Abodira joango dira.
Denboraldi honetan beste zazpi aldiz joango dira Iparraldera, legazpiarrek horren gertu dauden baina askorentzat horren ezezagunak diren paraje haiek ezagutu ditzaten. Gainera, beti bezala, irteeretako ba-tzuk haurrei zuzenduak daude.
Azaroan bi txango izango dira. 18an haurren taldea Landatik Albertiara joango da eta 25ean Iparraldeko Oilarandoira. Abendurako beste bi irteera antolatu dituzte: 2an urte bukaerakoa egingo dute eta 16an Harpeako kobara joango dira. Honenbestez, 2007a agurtuko dute.
Urte berriari ongi etorria emateko, urtarrilaren 1ean Urretxuko Irimo mendira joango dira. Bertan, Goierri taldekoek prestatutako salda eta txorixoa dastatzeko aukera izango dute.
Urtarrilean beste bi irteera izango dira: 20an haurrek Legazpitik Ormaiztegira ibilbidea osatuko dute eta 27an Iparraldeko Adar-tzan izango dira. Otsailaren 17an helduak Iparlara joango dira eta 24an haurrak Oñatira.
Martxoan eski egitera joango dira, Urrakitik Tolosara bitarteko ibilbidea osatuko dute eta Irubelakaskoara joango dira. Apirilean lau irteera izango dira: Araiara, Sierra Candinara, Zumaiara eta Iparraldeko Itsusi Harriak izeneko parajera. Maiatzean bi txango bakarrik izango dira: haurrak Segurara joango dira eta helduek Lizarragatik Gasteizera ibilbidea osatuko dute.
Ekainean helduak Baigurara joango dira eta haurrek bi saio izango dituzte: denboraldi amaierako festa egingo dute eta kanpaldia ere bai. Azkenik uztailean asteburuko irteera izango da Pirinioetara. >a.z.
|
|
LA PREGUNTA A LOS LECTORES
SUSCRÍBETE
- BOLETÍN DE TITULARES DEL DÍA
- Introduce tu dirección e-mail y recibirás cada mañana los titulares más importantes en tu correo
© NOTICIAS DE GIPUZKOA
Avda. Tolosa 23 · 20018 Donostia · GIPUZKOA ·
Tel 943 319 200 · Fax Administración
943 223 900 · Fax Redacción 943 223 902
Enlaces patrocinados:
Inmobiliarias |
Disfraces |
Agencias de publicidad |
Tiendas de electrónica |
Cirugía estética |
Inmobiliarias |
Asesorías |
Peluquerías |
Muebles |
Clínicas |
Seguridad |
Mudanzas |
Viajes |
Hostales |
Taxis |
Hogar |
Hoteles |
Cerrajeros |
Farmacias |
Rótulos |
Armarios |
Trabajo |
Ocio en Gipuzkoa |
Hoteles en Madrid |
Hoteles en Barcelona |