Diario de Noticias de Gipuzkoa

Miércoles, 12 de septiembre de 2007

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Azpeitiko udal euskaltegiak 30 ikastarotik gora eskainiko ditu ikasturte berrian zehar

eskolak doan izango dira eta irailaren 21a arte izango da bertan izena emateko aukera

Azpeitia. Udal euskaltegia lanean hasi da dagoeneko 2007-2008 ikasturte berriarekin batera. Modu honetan, urtean zehar euskara ikasteko 30 ikastaro baino gehiago eskainiko dituztela aurreratu zuten Azpeitiko euskaltegiko arduradunek, eskaintza zabala aurkeztuz hamasei urte gorako herritar eta kanpotar guztiei.

Ikastaro berrietan parte hartu nahi dutenek izen-emate epea zabalik dute eta horretarako azken eguna hilaren 21a izango da. Inskripzioa Perdillegi kaleko udal euskaltegiko egoitzan egin beharko da 8.00etatik 18.00etara bitartean, 943 811947 telefono zenbakira deituz, edo Internet bidez, euskaltegia@erabili.com e-posta eta www.erabili.com/eskatu/euskara_ikastaroak orrian. Bestalde, azkoitiarren udal euskaltegia ere bada Azpeitikoa eta, horregatik, Azkoitiko Udaleko Kultura sailean ere izena emateko aukera izango dela adierazi zuten arduradunek.

Eskaintzen diren ikastaroetan pertsona desberdinen beharrak hartzen dira kontuan. Honela, euskara maila desberdinez gain, etorkinen beharretara egokitutako Aisa ikastaroa edota ostalaritza, irakaskuntza, guraso edo administrazio arloetara zuzendurikoak izango dira.

Urtean zehar ematen diren ikastaro guztietan bezala, Azpeitiko udal euskaltegiak euskara ikasteko hainbat erraztasun emango dizkie ikasleei. Hiru diru laguntza desberdin dituzte: asistentzia beka, etxe bereko kide bat baino gehiago izena emanda dauden kasuentzako dena eta diru sarreren araberakoa.

Asistentzia bekaren bidez, ikasleak ikasturtean zehar %85eko asistentzia eduki badu, ordaindutako kopuru guztia itzuliko zaio. Etxe bereko kide bat baino gehiago joanez gero, kide batek matrikula osoa ordainduko du eta besteek, berriz, erdia. Diru sarreren araberako laguntzetan, familia unitatearen irabazi garbiak hartzen dira kontuan, honela, matrikula erdia edo laurdena soilik ordaintzera iritsi daitezke ikasleak.

EGA ikastaroa udan Udako oporraldietan ere lanean aritu dira Udal Euskaltegian eta Euskara Gaitasun Agiria (EGA) ikastaroa antolatu zuen uztaila eta iraila bitartean. Udazblai programaren baitan egindako ikastaroaren bidez, ikasleek EGA azterketa prestatzea zuen helburu. >k.f.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Considera que la eutanasia debería regularizarse mediante una ley, o cree que debe estar penalizada? ¿Qué le parece que se emita un suicidio asistido por televisión?

METEOROLOGÍA

Nieve en la costa: Los termómetros podrán bajar hasta los -6 grados durante estos días

Otras noticias

Haznos tu página de inicio | Visite también www.noticiasdealava.com | www.noticiasdenavarra.com