Diario de Noticias de Gipuzkoa

Jueves, 24 de mayo de 2007

Foros
Hemeroteca

Cultura

Cartelera

Comunicación

Televisión

Pdf

Erakusketa batek euskarazko antzerkia eta zentsura aztertuko ditu Oiartzunen

ekainaren 13ra arteudaletxeko pleno aretoan ikusgai egongo da

Eskuizkribatutako orrialdeak, jantzien diseinuak, argazkiak, kartelak eta esku programak ikusiko dituzte bisitariek

Jagoba Larburu eta Eugenio Arozena, atzo Donostian.argakiza: utzitakoa

juan g. andrés

Donostia. Oiartzungo Udalak babestutako Euskarazko antzerkia zentsuraren gurpilpean 1940-80 erakusketak gaur ekingo dio bere ibilbideari udaletxeko pleno aretoan. Ekainaren 13ra arte egongo da han baina antolatzaileek Gipuzkoako beste herri batzutara eramateko asmoa dute ondoren, Jagoba Larburu kultur batzordeburuak eta Eugenio Arozenak atzo Donostian azaldu zutenez. Etorkizunean, gainera, euskarazko antzerkiari buruzko erakusketa iraunkorra Oiartzunen kokatzeko asmoa dute.

Antolatzaileek Koldo Mitxelena Kulturunean azpimarratu zutenez, erakusketaz gain, zenbait hi-tzaldi programatu dituzte bisitariek euskarazko antzerkiak 40. hamarkadatik 80.era pairatu behar izan zituen eraso eta oztopoak ezagutu ditzaten. Hitzaldien izenak hauek dira: Herri kantuak antzerkian eta antzerki kantuak herrian (maiatzak 28), Euskarazko antzerkia zentsuraren gurpilean 1940-80 (ekainak 1) eta Frankismoaren uztarripena euskal an-tzerkilarion gatazka (ekainak 5).

Antolatzaileek gogoratu zutenez, zentsuraren mehatxuak min handia egin zion aipatutako urteetan zehar euskarazko antzerkiari, etendura handia sortuz. Gainera, garai hartako zentsura zorrotzak are zailago egiten zuen Euksal Herrian lan egiten zuten euskarazko an-tzerkigileen egitekoa. Erakusketan, besteak beste, antzerki talde bakoi-tzak frankismoaren eraso horri nola erantzun zion ikus daiteke, baita zentsurak hainbat eta hainbat antzezlanetan utzitako arrasto gogorra, besteak beste, Karlistaden kronika 1833-1839 antzerkiak jasan zuena.

Zailtasunak zailtasun, gaurdaino mantendu diren idatzizko hainbat antzezlan egongo dira ikusgai Oiartzunen, horien artean batzuk originalak, Azcuren Sasi eskola (1898) edota Anastasio Albisuren Garoa (1936) eta Orain ez (1937) esate baterako.

oiartzungo udala, jabea Garaiko antzerkigileek eskuizkribatutako orrialdeak eta agertokien marrazkiekin batera, antzezlanetako pertsonaien jantzien diseinuek eta argazkiek, kartelek eta hainbat talderen esku programek denboran atzera eramango dute bisitaria. Material guztiaren jabea Oiartzungo Udala da.

Horrekin batera, taldeak, pastoralak, maskaradak eta abar erakutsiko dituzten bideoklipak ikusi ahal izango dira. Aipatutakoaz gain, euskarazko antzerki sortzaileek toki garrantzitsua izango dute erakusketan. Alde batetik, espetxean edota atzerrian zeuden sortzaileei erreparatuko die eta baita misiolari edo erlijiosoen an-tzerkiari ere.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

MIRARTECultura

DURANGO: La Feria del Libro y Disco se abre hoy

Destacados

erakusketa: Erakusketa.Euskarazko an-tzerkia zentsuraren gurpilpean 1940-80 . Maiatzaren 24tik ekainaren 13ra bitartean. Oiartzungo udaletxeko pleno aretoan. 11.00etatik 13.00etara eta 17.00etatik 20.00etara. Larunbat arratsaldean eta igandean itxita egongo da.
hitzaldiak: Maiatzak 28.Herri kantuak an-tzerkian eta antzerki kantuak herrian . Emanaldiak 11.00etan eta 17.00etan izango dira Oiartzungo udaletxeko pleno aretoan. Entzuleak Zuberoako pastoralak kantorren bitartez ezagutu ahal izango ditu Jean Mixel Bedaxagar eta Mixel Arrotzeren laguntzarekin. Bi zuberotar horiek pastoralgintza barru-barrutik ezagutzen dute.
Ekainak 1.Euskarazko antzerkia zentsuraren gurpilean 1940-80 . Hizlariak I. Beobide (Jarrai antzerki taldekoa), I. Elias (Antxieta), I. Dorronsoro (Goaz), S. Irastorza (Ereintza), E. Arozena (Intxixu) eta D. Landart (Ifarraldea) izango dira. Euskarazko teatroak nondik norakoak frankismoaren atzaparretan ez eror-tzeko ahaleginak gogoratuko dituzte. Mahai ingurua 19.30ean hasiko da, Oiartzungo udaletxeko pleno aretoan.
Ekainak 5.Frankismoaren uztarripean euskal antzerkilarion gatazka . Goizeko 11.00etan eta arratsaldeko 19.30ean hitzaldia eskainiko du Daniel Landartek, Joxe Mari Karrere galde-tzailea izango delarik. Nafarroa Beherea Landart Hegoaldeko antzerki mugimenduaren begirale garrantzi-tsua izan da.

Otras noticias

Haznos tu página de inicio | Visite también www.noticiasdealava.com | www.noticiasdenavarra.com

© NOTICIAS DE GIPUZKOA
Avda. Tolosa 23 · 20018 Donostia · GIPUZKOA · Tel 943 319 200 · Fax Administración 943 223 900 · Fax Redacción 943 223 902