Diario de Noticias de Gipuzkoa

Sábado, 13 de enero de 2007

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Herri batzarrak egingo dituzte korrika antzolatzeko

Bilerak astelehenean hasiko dira eskualdean eta, bertan, hainbat gai aztertuko dituzte

arrasate. Korrika 15 antolatzeko batzarrak egingo dituzte eskualdeko udalerrietan datozen egunetan. Bailarako enpresa, sindikatu, ikastetxe, alderdi politiko, erakunde eta norabanako guztiak gonbidatuta daude bilera horietan parte har dezaten. Bertan, zein ekitaldi egin herri bakoitzean, hauek nola girotu, laguntzak nola eskatu eta zein pertsona omenduko dituzten erabakiko dute.

Aurten, Korrika martxoaren 22an abiatuko da Karrantzatik eta apirilaren 1ean iritsiko da Iruñera. Debagoienetik bi egunetan pasatuko da: martxoaren 23an Leintz Gatzagatik Oñatira joango da iluntzean, eta 25ean, Deskargatik Elgetara helduko da, kasu honetan, goizean.

Debagoieneko AEK-ko ordezkari den Oskar Elizburuk gogoratu duenez, "Korrika euskararen aldeko ekimen kultural handienetakoa da, herriz herri milaka kilometro zeharkatu eta ehundaka ekitaldi burutzen duena".

Era honetan, Oñatin astelehenean egingo dute lehen batzarra, 19.00etan, kultur etxean. Asteartean, aldiz, Aretxabaletaren txanda iritsiko da Loramendi euskara elkarteko egoitzan, 19.00etan. Bergaran asteazkenean elkartuko dira kultur etxean, 19.00etan eta Arrasaten, ostegunean izango da hi-tzordua, AEDko tabernan, 19.30etik aurrera. Eskoriatzan urtarrilaren 22an bilduko dira kultur etxean 19.00etan eta Leintz Gatzagan, berriz, 23an kultur etxean 19.30ean. Antzuolan eta Elgeta oraindik ez dituzte batzar orduak eta datak zehaztu.

Bestalde, AEK-k aurreko ekimenetan egin duen bezala, kilometroak salgai jarriko ditu, bakoitzak 380 euroren truke. >a.d.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué opinión le merece la directiva aprobada por el Parlamento Europeo que permite mantener detenidos a los inmigrantes 'sin papeles' 18 meses?

POLÍTICAMundo

KARADZIC: El criminal de guerra se dedicaba a la medicina alternativa

Otras noticias

Haznos tu página de inicio | Visite también www.noticiasdealava.com | www.noticiasdenavarra.com