Diario de Noticias de Gipuzkoa

Jueves, 26 de octubre de 2006

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Abertzaleon Oihartzunak Arauen berrikuspena etetea eskatuko du gaur

legez kanporatutako plataformak ados ez daudenei osoko bilkuran agertzeko eskatu die

oiartzun. Abertzaleon Oihartzunak (AO), legez kanporatutako herri plataformak, Oiartzungo Ordezko Plangintza Arauen Berrikusketako prozedura bertan behera gelditzea exijituko du gaur 18.00etan izango den Osoko Bilkuran hiru baldintza betetzen ez badira.

Eskaera konkretuak egin ditu plataformak: Arau Subsidiarioei egiten zaizkien ekarpen eta iradokizun guztiak oiartzuarrei ezagu-tzera emateko neurriak har ditzala; herritar eta eragileen parte-hartzea bermatua eta lehenetsia izan dadila; eta herritarren ekarpenak biltzeko, legezkoak diren neurriak eta tresnak ez ezik, gizalegezkoak direnak ere aztertu eta erabili daitezela.

Aurreko hiru puntuak betetzen ez diren bitartean, Udalak Arau Subsidiarioen onarpen prozedura eten behar duela uste du AOk.

Plataformak egin dituen eskakizunek zabalkunde handiagoa izateko "beharrezkoa izango da Arau hauen aurkako argudio irmoak adierazi dituzten herritar zein eragile guztien atxikimendua eta presentzia" gaurko Plenoan, adierazi zuten prentsaurreko batetan ezker abertzaleko kideek.

Prozedura martxan "Legealdi honetan Oiartzungo Udalak Hiri Plangintzarako Ordezko Arauen errebisio prozesuari ekin dio. Bitarte honetan, gobernu taldeak urrats garrantzitsuak emanak ditu jada: diagnostikoa egin, aurrerabide dokumentua aurkeztu eta lehenengo onarpena eman zion pasa den uztailaren 27ko Plenoan", azaldu zuen plataformak.

Abertzaleon Oihartzunaren aburuz, "herriaren alde lan egiten duten hainbat auzo elkarte, herri mugimendu, ikastetxe, erakunde, agenda 21, zein partikularrek hainbat iradokizun proposamen eta alegazio aurkeztuz lan bikaina egin badute ere, tamalez, hauek guztiak zuzen-zuzenean baztertuak izan dira".

Ezker abertzaleak adierazi zuenez, Arau Subsidiarioek datozen urteetarako "herriko bizimodua era orekatu batean garatzeko eta antolatzeko nahitaezkoak diren premiei erantzun behar diete" eta, horretarako, "alderdien eta pertsona zehatzen interesen gainetik, herritar guztien onura publikoak defendatu behar dira".

AOk eskatzen dituen betekizunen artean, honakoak aurkitzen dira: Oiartzungo auzo guztiek modu orekatuan garatu behar dute eta beraien beharrak eta zerbitzuak asetu behar dituzte; etxebizitza sozialak egin behar dira eta hutsik daudenak egokitu; ingurugiroa eta honen balio ekologikoa babestu behar da eta neurri zehatzak hartu bere defentsan; herritarrentzat beharrezkoak diren ekipamenduak aurreikusi behar dira eta azpiegiturak hobetzea nahitaezkoa da (auzoak lotzeko erraztasunak, garraio publikoa, bidegorria eta energia berriztatzaileak).

Babes gutxi Azkenik, plataformak Arau Subsidiarioen Berrikuspenak "oiartzuar guztiek emandako botoen %23ren babesa bakarrik lortu" duela salatu zuen. "Alderdi bakar batek, EAk, eman du aldeko botoa, beste alderdi guztiek, beraz, ez dituzte Arauak onartutzat eman (EAJk aurka bozkatu zuen eta EBk zuri)", adierazi zuen.

"Oiartzunen inoiz gertatu ez diren aurrekariak eman dira: etorkizuna denon arteko adostasunez erabaki beharrean, lauren artean egin da", adierazi zuen. Gainera, "onartu den plangintzak ez diela herritarren beharrei erantzuten" esan zuten "Arauak irizpide merkantilistetan soilik oinarritzen" direlako. >a.m.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

DEPORTESCopa

REAL UNIÓN-BETIS: El Real Unión se enfrentará al Betis en los octavos de final de la Copa del Rey

Otras noticias

Haznos tu página de inicio | Visite también www.noticiasdealava.com | www.noticiasdenavarra.com