Diario de Noticias de Gipuzkoa

Jueves, 26 de octubre de 2006

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Ahots zahar eta berriak, kalera

Kantu Jiran iazko saio batean Alde Zaharreko kaleetan bildutako jende multzoa.

DONOSTIAN Kantuz ekimena bueltan da udako oporren ondoren. Urtero bezala, hainbat ikastaro antolatu ditu Intxaurrondo, Amara Berri, Aiete, Antigua eta Egian, musika gustuko duten hiritar guztiek parte har dezaten. Gainera, Alde Zaharrean ere Kresala elkartean talde berri bat sortu dute kantuan ari-tzeko. Egitasmoaren helburua euskarazko abesti herrikoiak kantatzen gozatzea da. Antola-tzaileek adierazi dutenaren arabera, "ez da kantuaren profesionala izan behar bertan egon ahal izateko, ez baita abesbatza bat, kantatzen ondo pasatzen duen langun talde handi bat baizik".

Joserra Beloki Donostian Kantuz programaren bultzatzaileetako batek kantatze topaketa batzuk direla azaldu du, "euskal kantak atsegin dituen jendearentzat". Auzo gehienetan hilean bitan elkartzen dira, arratsalde aldera, eta kantak proposatu eta abesten dituzte. Saio batzuetan Itziar Zamora bezalako kantariak ere izaten dira, gitarra edo beste musika tresnak eskuan artean dituztela entseguarekin lagun-tzeko.

Intxaurrondoko Larrotxene kultur etxean, Amara Berriko Ikasbide elkartean, Aieteko Guru-tzeaga parrokian, Antiguako Txirain elkartean eta Egiako Aitor ikastolako aretoetan izaten dira ikastaroak. Guztiak hil honetanzehar jarri dituzte martxan berriro ere.

bost urte

Arrakasta

2001. urtean sortu zuten Donostian Kantuz programako lehenengo ikastaroa hirian, Intxaurrondon hain zuzen ere, eta 40 lagun inguruk hartu zuten parte hasieratik. Horiei, gero eta jende gehiago elkartu zitzaien eta auzo hartatik hiriko beste hainbat elkartetara zabaldu zen ekimena hil batzuetan.

Hasierako kantu saioen ildotik sortu eta arrakasta handia izan duen beste ekimen bat Kantu Jira izan da. Hilero, hirugarren larunbatean, Alde Zaharreko Elkar megadenda parean elkartzen dira kantuan aritu nahi duten lagunak, 12.00etan, eta auzoko kaleetan zehar ibiltzen dira, euskal kantak abestuz. Pasa den larunbatean izan zuten aurtengo bigarren hitzordua. Batez beste 150 eta 300 lagun artean biltzen dira egun horietan eta ordu pare bat aritzen dira eztarriak astintzen, eguerdiko 14.00etara arte gutxi gorabehera, "euskal kantu tradizionalak eta baita berriak ere gogora ekartzen".

Ikastaroetan parte hartzen duten lagunez gain, kantatzea gustuko duen edozein pertsonak har dezake parte larunbatetako Kantu Jiran. Hori dela eta, egun horietan kalean dabilen jendea animatzeko asmoarekin, kantuan aritzen direnek abestien letrak idatzita dituzten paperak ere banatzen dituzte ingurukoen artean.

Auzoetako ikastaroez eta Kantu Jiraz gain, bestelako ekitaldiak ere antolatzen dituzte urtean zehar Donostian Kantuz ekimenaren baitan, kantu afari eta bazkariak, esaterako.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

DEPORTESCopa

REAL UNIÓN-BETIS: El Real Unión se enfrentará al Betis en los octavos de final de la Copa del Rey

Destacados

LA FRASE: Kantu Jirak 150 eta 300 lagun artean biltzen ditu hilero Alde Zaharreko kaleetan

Otras noticias

Haznos tu página de inicio | Visite también www.noticiasdealava.com | www.noticiasdenavarra.com