Diario de Noticias de Gipuzkoa

Jueves, 14 de septiembre de 2006

Foros
Hemeroteca

Donostia

Bidasoa-Txingudi

Oarsoaldea

Buruntzaldea

Tolosaldea

Goierri

Urola Garaia

Urola Erdia

Urola Kosta

Debagoiena

Debabarrena

Al día

Azkoitiko San Jose zaharren egoitzako teilatuan 24 eguzki plaka jarri dituzte

etxeak urtean zehar behar duenur bero guztia ekipamendu berriaren bidez lortuko du

San Jose egoitza.argazkia: k.f.

azkoitia. Energiaren Euskal Erakundeak eta Azkoitiko Udalak 24 eguzki plaka jarri dituzte herriko San Jose zaharren egoitzan. Ekipamendu berri honi esker, urtean zehar beharrezko ur bero kantitate guztia lortuko du egoitza azkoitiarrak.

"Instalazio termiko hau Udalak eta Energiaren Euskal Erakundeak 2004. urtean sinatutako hitzarmenari esker lortu da eta energia aurreztu ahal izatea da honen helburua", adierazi zuen Xabier Arrietak, Azkoitiko Udaleko Ongizate saileko arduradunak. Jarri berri diren eguzki plakak negua heldu aurretik ipiniko dira martxan, izan ere oraindik ur biltegietako konexioa egitea falta zaie.

Eguzki plaka berri hauei esker gas kantitatea aurreztuko dute eta, modu honetan, egoitzak behar duen ur bero guztia bertatik jasoko du. "Honela, gasaren kontsumoa murriztu egingo da eta bertan sorturiko berotasuna hartuko du egoitzak, ur beroa lortzeko soilik erabiliko delarik", esan zuen Arrietak.

Beroketa sistema ez da bertatik hornituko, izan ere, udal arduradunak azaldu zuenez, helduek behar duten beroa mantendu ahal izateko egoitzan energia asko behar izaten da neguan batez ere eta hainbeste ezin da lortu.

20 urteko hitzarmena Energiaren Euskal Erakundea (EEE-EVE) izango da instalazioaren kargu egingo dena eta, sinatutako hitzarmenaren bidez, 20 urtetan bera arduratuko da mantenuaz. "EEE izan da plakak jarri dituena, orain 20 urtetan inbertitu dutena errekuperatu egingo dute eta denbora hau igarotzen denean Udalaren esku geldituko da instalazioaren jabetza", adierazi zuen Ongizateko arduradunak.

Hala ere, EEEren esku gelditzen den urte hauetan, erakundeak urtero instalazioaren inguruko informazioa eman beharko dio Azkoitiko Udalari. >k.f.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Qué le parece la decisión de un numeroso grupo de futbolistas vascos de renunciar a jugar con la selección si se denomina 'Euskadi' en lugar de 'Euskal Herria'?

MIRARTECultura

JUAN ZELAIA: Recibe máxima distinción de Durango por la defensa de la cultura vasca

Otras noticias

Haznos tu página de inicio | Visite también www.noticiasdealava.com | www.noticiasdenavarra.com