Antolatzaileen "desadostasunak" direla medio, Elektronikaldiak Donosti Kluba izena hartu du
gin&tonic etxeak eta javi p3z zuzendari artistikoak eten egin dute orain arteko elkarlana
donostia. Donosti Kluba. Hori izango da Gipuzkoako hiriburuko Musika Elektronikoaren Nazioarteko Jaialdiko izen berria. Hala jakinarazi zuen atzo Gin&Tonic produkzio etxeak, prentsa ohar baten bitartez. Itxura denez, ekin-tza horretako zuzendari artistiko Javi P3Z eta enpresa pasaitarreko arduradunek elkarrekin Elektronikaldia antolatzeko zuten akordioa bertan behera utzi izana dago izen aldaketa horren atzean.
Joan den abuztuaren 12an egindako bilera baten ostean, "jaialdiaren helburuen inguruko desadostasunak" tarteko, azken urteotan mantendutako elkarlana indar gabe utzi zuten Javi P3Zek eta Gin&Tonicek, antolatzaileek atzo ezagutzera eman zutenez. Dena den, "Donostiako Udalarekin hartuta dituen konpromisoak betez", musika jaialdi bat egiten jarraituko du produkzio etxe pasaitarrak, "Elektronikaldiaren ezaugarri berekin eta data beretan, baina Donosti Kluba" izenburupean.
hilabete baten faltan Erabaki hau datorren Musika Elektronikoaren Jaialdiko datak ezagutzera eman eta bi egun beranduago jazo da. Izan ere, joan den asteartean Donostiako Udalean egindako prentsaurrekoan zortzigarren ediziorako daten inguruko informazioa banatu zuten. Aurten, irailaren 28 eta urriaren 7a bitartean ospatuko dute jaialdia, eta ekitaldiak ohiko eszenategietan antolatuko dituzte, Egia auzoko Gazteszena eta Okendoko kulturetxean, hain justu. Gainera, Etxekalte, Ondarra, Bebop eta Guardetxea bezalako klubetan ere musika programazio berezia prestatuko dute.
Aurtengo jaialdirako hilabete inguru falta den arren, joan den asteartean Donostia Elektronikoa lehiaketaren edizio berria martxan jarri zuten antolatzaileek. 30 urte izan eta kontratu diskografikorik ez daukaten musikari europarrek har dezakete parte bertan. >j.I.
|
|
LA PREGUNTA A LOS LECTORES
VECINOSDonostia
- CÁMARAS
- Las de los autobuses de Donostia graban a infractores de tráfico
SUSCRÍBETE
- BOLETÍN DE TITULARES DEL DÍA
- Introduce tu dirección e-mail y recibirás cada mañana los titulares más importantes en tu correo
Otras noticias
- El homenaje a Luc Ferrari abre el ciclo de Música Contemporánea
- "El mejor par de oídos de la Historia"
- Menudo conciertazo
- La orquesta nacional de francia actúa en el kursaal
- Cuatro escenarios se rinden a los más pequeños
- Fito&Fitipaldis iniciará en noviembre la gira de su disco 'Por la boca vive el pez'
- kepa sojo asume que es imposible rodar filmes independientes
- La National Gallery celebra el centenario de la muerte de Cézanne
- El éxito de la cultura de club eleva el caché de los Dj hasta los 50.000 euros
- Arde la catedral de San Petersbugo
© NOTICIAS DE GIPUZKOA
Avda. Tolosa 23 · 20018 Donostia · GIPUZKOA ·
Tel 943 319 200 · Fax Administración
943 223 900 · Fax Redacción 943 223 902