Diario de Noticias de Gipuzkoa

Sábado, 10 de junio de 2006

Foros
Hemeroteca

Cultura

Ocio

Cartelera

Comunicación

Televisión

Pdf

Aita Donostia musikagilearen obrak, entzungai IX. Aste Musikalean

datorren astelehenean hasiko den egitarauak gipuzkoar konpositorea izango du ardatz nagusi

Antolatzaileak.argazkia: j. ibañez

donostia. Aita Donostiak (1886-1956) sortutako lanei omenaldia eskaintzeko asmoz, bere heriotzaren 50. urteurrenean, gipuzkoar musikagilearen izena daraman Donostiako IX. Aste Musikala hasiko da datorren astelehenean. Hala, hil honen 16a bitartean, kontzertu bat egingo da egunero arratsaldeko 20.30ean Capuchinos elizan, bertako musikari, abeslari eta abesbatzen parte hartze zabal batekin.

Zikloaren antolatzaileek atzoko aurkezpenean azaldu zutenez, orain arteko ildoei eutsi diete egitaraua prestatzeko garaian. Hala, Gipuzkoako artista gazteentzako "tranpolin" izan dadin dohaineko sei kontzertu antolatu dituzte. "Jaialdiari bultzada bat eman nahi diogu aurten, eta hiri honetan musika ona entzuteko aukera eskaintzen jarraitu nahi dugu", azaldu zuen Javier Alberdi antolatzaileak.

Jose Gonzalo Zulaika, Aita Donostia, zendu zela 50 urte betetzen diren honetan, kontzertu gehienetan konpositore donostiarrak sortutako lanak izango dira entzungai.

Astelehenean estreinatuko dute egitaraua, Donostiako Capuchinos elizan, arratsaldeko 20.30ean. Musikeneko ikasleak izango dira protagonista ikuskizun honetan, eta Haydn, Piazzola eta Pucciniren obrak eskainiko dituzte, besteak beste.

Asteartean, autore klasioen lanak interpretatuko dituzte zenbait pianojole eta abeslarik. Egun bat beranduago, Aita Donostia eta Manuel de Falla musikagile garaikideak ardatz hartuko dituzte Josu Okiñena pianojole donostiarrak eta Almudena Ortega sopranoak. Sarrera ordaindu beharreko kontzertu bakarra izango da, eta Maria Cristina hotelean burutuko dute.

Ostegunean, Capuchinos elizan berriro ere, gitarra errezitaldi bat egingo da, Karmele Iriarteren ahotsak lagunduta. Ostiralean, berriz, Aita Donostiaren omenaldia etorriko da, herrialdeko hiru abesbatzen eskutik (Loinaz, Santa Cecilia eta Aita Donostia). Xabier Sarasola musikagile beasaindarrak okasioarako konposatutako obra bat eskainiko dute, besteak beste. Aste Musikala amaitzeko, larubatean Ars Nova koral asturiarrak eskainiko du kontzertua. >j. imaz

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Cree usted que se están tomando todas las medidas necesarias e imprescindibles para garantizar la seguridad de los pasajeros en los aviones?

DEPORTES

REMO: Todos pendientes del mar en la primera jornada en La Concha

Destacados

egitaraua: Astelehena. Musikeneko ikasleek, Haydn, Piazzola, Puccini eta abarren lanak eskainiko dituzte.
Asteartea. A. Salaberria, A. Zubillaga eta J. G. Arejuela abeslariek eta E. Mendiburu pianojoleak: Mozart, Schumann, Brahms, eta abar.
Asteazkena. A. Ortega sopranoa eta J. Okiñena pianojolea: Aita Donostia eta M. de Falla. (Ekitaldi hau Maria Cristina hotelean. 6 euro)
Osteguna. Gitarra eta ahots kontzertua: Hidalgo, Monteverdi, eta abar.
Ostirala. Aita Donostiari omenaldia, hiru abesbatzen eskutik.
Larunbata. Ars Nova koral asturiarrak kontzertu bat eskainiko du.

Otras noticias

Haznos tu página de inicio | Visite también www.noticiasdealava.com | www.noticiasdenavarra.com

© NOTICIAS DE GIPUZKOA
Avda. Tolosa 23 · 20018 Donostia · GIPUZKOA · Tel 943 319 200 · Fax Administración 943 223 900 · Fax Redacción 943 223 902