Diario de Noticias de Gipuzkoa

Lunes, 05 de junio de 2006

Foros
Hemeroteca

Cultura

Cartelera

Comunicación

Televisión

Pdf

Zubian

por Agustín Arrieta

1 Atsoa oheratu da, soinean kamisoi luzea eta zuria daramala. Argia itzali egin du. Telebista piztu ahala, bolumena guztiz jaitsi du. Orduan ausartu da esatera, 'bihar zugandik urruntzen saiatuko naiz. Bada garaia, ezta?' Logela mutu geratu da. Tarteka telebistatik datozen koloreek gela osoa argitzen dute, zerbaitek eztanda egingo balu bezala, gela barruan ekaitza egingo balu bezala. 'Bihar saiatuko naiz'. Telebista amatatu egin du.

2 Oheratu da. Telebista piztu eta berriketan hasi da. "Kalera atera naiz, eta eliza ondoko zubitxo estuan geratu naiz. Emakume bat sartu da zubian. 'Ni armiarma, bera eulia', pentsatu dut. Nire parean jarri denean, 'zurekin mintzatu nahi dut' esan diot. Oso irribarretsu begiratu dit eta joan da, ezer esan gabe. Geroago, mutikote bat agertu da zubian. 'Zurekin mintzatu nahi dut'. Erantzun dit, 'barkatu, presaka nabil'. Erantzun horrek itxaropena eman dit, begitandu baitzait benetan ari zela, zintzoa zela. Gizon heldua etorri da. 'Zurekin mintzatu nahi dut'. Ez dit begiratu ere egin, bertan ez banengo bezala jarraitu du. Mingarria izan da. Etxera itzuli naiz. Dena den, bihar saiatuko naiz berriro."

Eta gau-mahaitxoko argazkian agertzen den agureari begi-keinua egin dio. 'Bihar saiatuko naiz'. Ekaitza amatatu du, eta ohe erdi hutsean geratu da isil-isilik.

Cursos

Master

MBA

buscar vivienda en gipuzkoa
comprar alquilar


hecho por

LA PREGUNTA A LOS LECTORES

FORO DE DEBATE: ¿Cree usted que se están tomando todas las medidas necesarias e imprescindibles para garantizar la seguridad de los pasajeros en los aviones?

MIRARTECultura

TÍTERES: El Centro Internacional del Títere de Tolosa prevé abrir sus puertas en 2009

Otras noticias

Haznos tu página de inicio | Visite también www.noticiasdealava.com | www.noticiasdenavarra.com