Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa

Usurbilgo eguneko zentroan betiko enpresak jarraituko du

Pleguetan hainbat klausula sozial txertatu dira, kalitatezko zerbitzua eskaintzeko eta langileen lan-baldintzak hobetzeko

2018(e)ko urtarrilaren 2a, asteartea - 06:02etan eguneratua

votos |¡comenta!

Usurbil- Puntapax adineko pertsonen eguneko zentroaren erabilera eta kudeaketa zerbitzua esleitzeko prozesua zabalik izan du Usurbilgo Udalak hilabeteotan. Azkeneko udalbatza saioan, 2003an ekipamendua zabaldu zenetik gaur egun arte zentroaz arduratu den enpresa berdinari, Gestion de Servicios Residenciales kooperatibari, esleitu zioten zerbitzua beste hiru urtez. Bost urtetara arte luza daiteke kontratua. Erabaki hau ahobatez hartu zen.

Udalak aditzera eman zuenez, kalitatezko zerbitzua ematea izan da helburu nagusia, eta horretarako hainbat klausula sozial txertatu zituzten pleguetan, hala nola langileen lan-baldintzak eta subrogaziorako eskubidea, hizkuntza-irizpideak eta gizonen eta emakumeen arteko berdintasuna bermatzeko baldintzak. Baldintzak gogortzearen ondorioz, soilik enpresa horrek parte hartu zuen lizitazioan.

Jone Urdanpilleta zinegotziak adibide gisa jarri zuen langileen lan-baldintzak duinak izateko jarritako baldintza: Puntapax Eguneko Zentroko langileei Gipuzkoako lan-hitzarmena ezartzeko betekizuna eta langile berriei orain arteko langileen baldintza berdinak aplika-tzeko betekizuna.

Argudiatu zuenez, sektore horretan, nagusiki, emakumeek egiten dute lan, eta, normalean, oso lan-baldintza kaxkarrak eta prekarioak izaten dituzte. Zentzu horretan, Bizkaiko zahar-etxeetan urtebetez luzatu den greba da horren lekuko. Halakorik gertatzea saihestu nahi izan du Udalak.

Eguneko zentroaren helburua adineko pertsonen eta horien senideen bizi-baldintzak egokiak izan daitezen laguntzea eta biei ahalik eta autonomia eta bizi-kalitate handiena ematea da. Eguneko zentroaren bidez, mendekotasuna duten adinekoak bere ohiko ingurunean egon daitezen bultzatu nahi da. Iaz, plaza kopurua igo zuen Usurbilgo Udalak. Astelehenetik ostiralera zerbitzua 18 lagunei eskaintzeko aukera dago, eta asteburu eta jaiegunetan sei lagunei. - A.M.

votos |¡comenta!

Herramientas de Contenido


COMENTARIOS: Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902