Diario de GipuzkoaDiario de Noticias de Gipuzkoa. Noticias de última hora locales, nacionales, e internacionales.

Saltar al Contenido

Períodico de Diario de Noticias de Gipuzkoa
urola garaia

Antxiñako Ama txistulari taldeak erakusketa ireki du

Zumarragako txistulari taldea 50. urteurrena ospatzen ari da

Asier Zaldua - 2017(e)ko abenduaren 2a, larunbata - 06:12etan eguneratua

votos |¡comenta!
Herritarrak Antxiñako Ama txistulari taldearen erakusketan.

Galería Noticia

  • Herritarrak Antxiñako Ama txistulari taldearen erakusketan.

zumarraga- Zumarragako Antxiñako Ama txistulari taldeak argazki erakusketa prestatu du Zelai Arizti kultur etxean. Talde hau 50. urteurrena ospatzen ari da. Erakusketa hilaren 10a bitartean egongo da zabalik. Aretoa 17.30etik 20.30era irekitzen dute astelehenetik ostiralera eta 12.00etatik 14.00etara eta 18.00etatik 20.30era larunbat eta jaiegunetan.

Erakusketa ostegun arratsaldean inauguratu zuten. Lierni Goia eta Gorka Janeiro izan ziren komunikabideekin hitz egiteaz arduratu zirenak. “1.600 argazki inguru lortu ditugu. Herritarrei deialdia luzatu genien eta oso gustura gaude jasotako erantzunarekin. Kultur etxekoei ere eskerrak eman nahi dizkiegu, paperezko argazkiak digitalizatzeaz arduratu baitira. Lanik zailena erakusketako argazkiak aukeratzea izan da”, azaldu zuten.

Erakusketako argazkiak gaika jarri dituzte. “Gure historia kontatu nahi genuen. Hasteko, gure aurretik zegoen bandaren argazkiak ikus daitezke. Zergatik? Ezinbesteko katebegia delako kulturaren transmisioan. Haiek zahartu zirenean beste herritar batzuei haien lanarekin jarraitzea eskaini zieten, baina hauek banda eredua aldatzea erabaki zuten. Lehengoa lau lagunekoa zen eta lekukoa hartu zutenek herri osoari txistua jo-tzen ikasteko eta bandako kide izateko aukera eman zioten. Garai hartan edonork ez zuen musika ikasteko aukera eta haur askok txistua jotzen ikasi zuten beraiekin”.

Beste atal batean Inazio Barrio eta Jesus Segurola artisauen eta Ramon Esnaola maisuaren argazkiak jarri dituzte. Baita Urretxuko txistularienak ere. “Beti oso harreman ona izan dugu”.

Hilaren 16an urteroko kontzertua egingo dute eta datorren urte hasieran taldeari buruzko liburua argitaratuko dute

Tradizio handiko ekitaldiek ere beraien tokia dute: Pazko astelehena, kalejirak, danborrada, dantza suelto txapelketa, Santa Zezilia, San Joan bezpera... eta Santa Isabel eguna, noski. “Egun horretako argazkiak aukeratzea oso zaila izan da, asko baititugu”.

Kontzertuek ere bere atala dute. “Txistu kontzertuari esker, gure instrumentua gainontzekoekin parekatzea lortu dugu. Argazki horietan herriko gainontzeko musikariak azaltzen dira. Ez zegoen denentzako tokirik, baina denak ditugu gogoan”. Bukatzeko, ospakizunak eta urteurrenak jarri dituzte: Esteban Barrenari zilarrezko domina eman ziotenekoa, 25. urteurreneko ekitaldiak eta 50. urteurrenekoak.

Erakusketan instrumentuak eta testuak ere ikus daiteze. Adibidez, Jesus Segurolak egindako txistu berezi bat, Pascual Okarizen partitura eta eskuizkribu bana, Jose San Pedroren atabala, 1970ean Zumarragako Udalarekin sinatu zuten hitzarmena...

Ekitaldi asko antolatu dituzte mende erdia ospatzeko: beteranoekin kalejira eta bazkaria, Irrintzi dantza taldearekin jaialdia... Gainera, Zumarragako jaietako pregoia irakurri zuten, Urretxuko Euskal Jaian jo zuten eta Irrintzikoekin batera ezpata-dantzari buruzko ipuina eta dokumentala argitaratu zituzten. Liburua Antxiñe Mendizabal idazleak eta Josu Maroto marrazkilariak egin zuten eta dokumentala Gattiken enpresak.

Urteurreneko ospakizunekin bukatzeko, hilaren 16an kontzertua egingo dute eta 2018 hasieran taldeari buruzko liburua aurkeztuko dute.

votos |¡comenta!

Herramientas de Contenido


COMENTARIOS: Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Gipuzkoa se reserva el derecho a eliminarlos.
  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902