Saltar al Contenido

Períodico de Diario de Noticias de Gipuzkoa

Herramientas de Contenido

urola-kosta

Postal batean kabitzen ez den herria

zarautz, ainara lozano - Martes, 23 de Octubre de 2012 - Actualizado a las 05:25h

votos comentarios
  • Mail
  • Meneame
  • Tuenti
Bi pilotari Elkanoko frontoian jokatzen, "Zarautz eta frontoiak" filmeko irudi batean.

Bi pilotari Elkanoko frontoian jokatzen, "Zarautz eta frontoiak" filmeko irudi batean.

Vista:

Galería Noticia

"zARAUTZ ez da ezer zarauztarrik gabe. Zu zara Zarautz. Zure hitzak, zure sustraiak. Horrek osatzen du gure lurra. Ez da itsasoak eta mendiak besarkatutako leku eder hori bakarrik. Etengabe taupaka ari den herria da. Bizirik dagoen jendea. Egunero sentitzen duguna kulturan, kirolean, lanean, jaietan, kaleetan, tabernetan, merkatuan... Zarautz denok osatzen dugun herri hori da. Postal batean kabitzen ez den herria eta mundua. Ezagu-tzea merezi duena. Hori da erakutsi nahi dieguna bisitariei, ingurukoei eta bertakoei. Zarau-tzek milaka bihotz eta kolore dituela". Hitz horiekin azaltzen du Gari Berasaluze Kultura zinego-tziak abian jarri duten proiektu berria. Izan ere, zarauztarren inguruko hamar ikus-entzunezko osatuko dituzte, herriaren nortasuna erakutsiz.

Zarautzen egon daitezkeen milaka gairen artean aukeraketa egin eta bilduma ederra sortzen saiatuko dira. Horretarako Kultura sailak bidelagun izango du Zarauzko Debolex films enpresa. ETB3 sortu zenean ezagutuko zuten askok Debolex films-eko lantaldea. Zor-tzi-hamar minutuko dokumental eta pieza laburrak eskaintzen zituzten bertan egunero, kulturarekin lotutako jendeaz. Orain izeneko dokumental sortaren "estiloa, kalitatea eta begirada" nahi ditu Udalak Zarautz eta zarauztarrak erakusteko ere. "Ez genuen zalantza askorik egin Debolex hautatzeko lan horretarako", nabarmendu du Berasaluzek. Lantaldea zarauztarra da eta ongi ezagutzen du herria. Honela, hamar piezak bi urtean egingo ditu Debolex-ek.

Aurten bost eta datorrenean beste bost ikus-entzunezko sortuko ditu. Besteak beste, ondokoak izango dira jorratuko dituzten gaiak: Zarautz eta frontoiak, zarauztarrak eta bizikleta, Euskal Astea eta Euskal Jaia, itsasoa, uda eta jaiak, merkatua eta merkataritza, garai bateko Zarautz eta ofizio zaharrak... "Ideiak milaka ditugu, zarauztarrak bezala, horiek hautatzea eta bildumarik kalitatezkoena egitea Debolexen kontu egongo da", adierazi du zinegotziak.

azaroan aurkezpena modelon

Lehen lanak pantaila handian

Zarauzko frontoien ingurukoa izan da Debolex-ek egin duen lehen dokumentala. Duela aste batzuk aurkeztu zuen Zarautz Kirol Elkarteko pilota sailak klubean eta azaroan izango dute herritarrek ikusteko aukera, laster ateak zabalduko dituen Modelo zineman. Lehen lau dokumentalak erakustea aurreikusten du Debolex-ek hitzordu horretan. Ondoren sarean jarriko ditu ikusgai ikus-entzunezkoak.

Natxo Eskobar Debolex-eko zuzendariak adierazi duenez, "interesgarria da oso" herriari horrelako lan bat egitea. "Beti Zarautzi buruz hitz egitean, herri turistikoa dela eta zein polita den eta hemen zein ederki bizi garen esaten dugu... baina urrunago nahi dugu joan eta zarauztarroi batzen gaituzten gauzak erakutsi nahi ditugu. Bizilagun guztiok gure barnean, buruan ditugunak. Agian garrantzia ematen diegu eguneroko bizitzan, baina ez dute ikus-en-tzunezko irudirik. Detaile horiek nahi ditugu balorean jarri", azaldu du. "Gauza xumeak, baina guztiok bihotzean ditugunak", gaineratu du Eskobarrek.

Honela, zarauztarrak batzen dituzten gaiak aukeratuko dituzte, herriaren nortasuna erakutsiz. Horretarako, bizilagunen laguntza ere izango dute. Frontoien kasuan esaterako, gai hori lantzeko proposamena Manu Urbieta bizilagunak luzatu zuen eta elkarrizketetan Andoni Egañak ere hartu du parte. Musikari dagokionez, Xabier Zabala zarauztarrak konposatu du. Honela, frontoiak plaza publiko izatetik desagertu edo ezkutatzera nola igaro diren azaltzen du filmak.

"Ez dugu nahi bideo nostalgikoak izatea. Adibidez, frontoiak nolakoak ziren eta zergatik galdu ditugun azaltzea soilik. Gure ezaugarriak balorean jarri nahi ditugu XXI. mendean. Baita dokumental hauek hedatzeko modua ere. Horregatik sarean jarriko ditugu, jendeak ikusi ditzan. Bideo sinpleak dira. Gauza politak sinpletasunean daudela uste dugulako", nabarmendu du Debolex-eko zuzendariak. Euskaraz eginiko lanak izango dira eta azpitituluak jarriko dituzte. Ikus-entzunezko bakoitzak gai zehatz bat jorratuko duen arren, Zu Zarautz, zu zara herria kon-tzeptuarekin batu nahi dituzte lan guztiak.

Norbaitek Debolex films-en lan oparoa ezagutu nahiko balu, www.debolex.com helbidea bisita dezake.

votos comentarios
  • Mail
  • Meneame
  • Tuenti

Herramientas de Contenido

Cargando comentarios...

Gracias por su comentario

Últimas Noticias Multimedia

Publicidad

  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902