Saltar al Contenido

Períodico de Diario de Noticias de Gipuzkoa

Herramientas de Contenido

Bidasoa-Txingudi

Datorren urtera arte

Baserritarren eguna, pilota partidak, su artifizialak eta doverren musika izan dira hondarribian jaiei agur esateko

hondarribia, xabier sagarzazu - Miércoles, 12 de Septiembre de 2012 - Actualizado a las 05:25h

votos comentarios
  • Mail
  • Meneame
  • Tuenti
Hondarribiko Alamedak atzoko eguerdi partean erakusten zuen itxura.

Hondarribiko Alamedak atzoko eguerdi partean erakusten zuen itxura.

Vista:

Galería Noticia

aMAITU dira aurtengo Hondarribiko jaiak, sei egunetako algara, adin eta gustu orotarako programa eta giro alaiarekin.

Atzokoa izan zen azken eguna eta ohi bezala, baserriko mundua protagonista izan zen, Alamedan egin zen Baserritarren Egunean. Han azoka, bertsolariak, herri kirolak eta trikitilariak izan ziren, besteak beste. Eta jendea ere, eguraldiak lagunduta, ugari.

"Gustagarria da urtero honera etortzea, lanak uzten badit behin-tzat", esan zuen karroan bere umetxoa zeraman Jon Elizazu 30 urteko hondarribiarrak.

Gazte honen ustez, "Baserritar Eguna jaien amaiera polita izaten da eta pena merezi du. Gutxienez taloren bat jan ohi dugu eta zer edo zer erosiko dugu etxera eramateko, dela gazta, txorizoa edo pastel edo gozokiren bat".

Elizazuk, gainera, ama lagundu ohi du egun honetan. "Baratza daukate gurasoek eta postua jar-tzen dute azokan", azaldu zuen.

Pozgarria da Alameda bere izaerara bueltatzen ikustea, urtean behingoz bada ere, azokarekin jendez gainezka eta bizirik. Pena ematen dit urtean zehar aparkaleku soil bezala izaten duen itxurak", gehitu zuen.

Azokako postuak

Aukera zabala, salmenta onak

Asteazkenero egiten da herriko baserritarren azoka Alamedatik oso gertu, Santa Maria ateaurrean. Baina irailaren 11ko Baserritarren Egunean, aukera zabalagoa izan ohi da Hondarribiko Alamedan, bertako zein kanpokoen postuak jartzen baitira.

Herritar eta bisitariek barazkiak, fruta, gazta, hestebeteak eta era guztietako pastel eta gozoak dastatu eta erosteko aukera zuten atzokoa. Gainera, talogileak ere han ziren. Saltzaileentzat, azoka polita izan ohi da.

"Zortzi bat urte daramatzagu Hondarribira etortzen eta pozik, gainera. Azokaz azoka mugitzen gara eta beste leku askotan salmentek behera egiten dutela nabaritzen badugu ere, hemen, mantendu egiten dira. Hori ez da gutxi, denbora hauetan", esan zuen Bizkaiko Larrebetzu herritik Hondarribira etorritako Asier Bengoak, Sarrikola okindegi eta gozotegiko arduradunak.

Salmentez gain, lehiaketak ere egin ziren. Abereena Jaizubia auzoko Amunetxiki baserriko Felix Ugartek irabazi zuen, eta barazkiena, Montaña auzoko Gornutz baserriko Maria Pilar Loinazek.

Azokaz aparte, hondarribiarrek beste zenbait ekitaldi izan zituzten jaien azken egunean. Erraldoi eta buruhandiek azken ibilaldia egin zuten eta arratsaldean, pilota partiduak izan ziren Jostaldin. Gauean, su artifizialek eta Dover musika talde madrildarraren musikak esan zieten agur aurtengo jaiei.

votos comentarios
  • Mail
  • Meneame
  • Tuenti

Herramientas de Contenido

Cargando comentarios...

Gracias por su comentario

Últimas Noticias Multimedia

Publicidad

  • Avda. Tolosa 23 20018 Donostia
  • Tel 943 319 200 Fax Administración 943 223 900 Fax Redacción 943 223 902