Diario de Noticias de Gipuzkoa. Noticias de última hora locales, nacionales, e internacionales.

Períodico de Diario de Noticias de Gipuzkoa

Herramientas de Contenido

Inicio
- Bertan
  - Oarsoaldea

Eskualdeak

Sagardo usaina xanistebanetan

Oiartzuarrek

bihar agurtuko dituzte aurtengo festak arkume jatearekin eta marmitako lehiaketarekin

n.g. - Domingo, 5 de Agosto de 2012 - Actualizado a las 05:24h

votos

comentarios

Sagardo lehiaketa eta dastaketa Elizalden. (iker azurmendi)

Vista:

Galería Noticia

SAGARDO usaina nabari zen atzo Oiartzunen. Ostegunean abiatu zituzten aurtengo xanistebanak eta atzoko eguna baserritarrei eskaini zieten: idi demarekin hasi zen eguna eta, nola ez, Oiar-tzungo harria erabili zuten, 1.800 kilokoa.

Ondoren hasi zen sagardo lehiaketa Done Eztebe plazan, eguerdi aldera: basoa erosita, herriko sagardoa dastatzeko aukera izan zuten oiartzuar eta bisitariek bazkalaurretik. Beñat Gaztelumendi eta Sebastian Lizaso bertsolariak izan zituzten lagun taula gainetik giroa berotzeko lanetan.

Idi demaren bigarren txanda arratsaldean izan zen eta herri kirolak ere izan zituzten ikusgai herritarrek eta baita erraldoiek ere: Euskal Herriko giganteen topaketa hartu zuten Oiartzungo kaleek atzo.

bi egun aurretik

Gaur gazteak, bihar haurrak

Eta atzo baserritarrak izan baziren omenduak, gaur gazteek izango dute protagonismoa xanistebanetan. Besteak beste, haien txupinazo propioa ere izango dute 13.00etan, haiek prestatutako bazkari herrikoiaren aurretik. Indarrak hartu eta gogoz ekingo diete gazte jolasei arratsaldean, baita Done Eztebe plazan prestatuko duten apar festari ere.

Haurrei eskainiko dieten egunarekin agurtuko dituzte bihar xanistebanak Oiartzunen. Eta gaztetxoentzat, musika, erraldoiak eta jokuez gain, txokolatada ere prestatu dute arratsalderako. Horrez gain, hala ere, egun gastronomikoa ere izango da: eguerdian arkume jatea izango da eta arratsaldean, marmitako lehiaketa eta dastaketa. Horrela, behin-tzat, zapore onarekin agurtuko dituzte festak.

votos

comentarios