Diario de Noticias de Gipuzkoa. Noticias de última hora locales, nacionales, e internacionales.

Períodico de Diario de Noticias de Gipuzkoa

Herramientas de Contenido

Inicio
- Opinión
  - Cartas al Director

Getariako aurrekontuak

Miércoles, 8 de Febrero de 2012 - Actualizado a las 05:26h

votos

comentarios

(?)

Cartas a la Dirección

URTARRILAREN 31n Getariako aurrekontuei lehenengo onespena eman zitzaien Bildu eta Aralarren aldeko botoei esker. Euzko Alderdi Jeltzalekook abstenitu egin ginen, gurekin ezertarako ez kontatzeaz gain, herritarren beharretatik urrun ikusten ditugulako. Kalkulagailua eskuetan hartu eta sarrerak eta gastuak parekatzea besterik ez dute egin. Langabeziaren arazoren aurrean, gaurko egoerarik gordinenean partidarik ez sartzea, onartu ezin dugun arrazoi nagusia izanda ere, sinatuta dauden kontratu batzuk aurrekontuan jaitsi egin dituzte beraiekin landu eta negoziatu gabe, eta bitartean arkitektoari bere soldatatik aparte, aholkularitza zerbitzu berria ezarri diote, zeregin hori beti soldataren barruan joan denean. Zergatik da bada udal arkitektoa? Artzape aldizkariarentzako partida %100 igo dute, ez dakigu, euskara eta aldizkaria bera salbatzeko edo euskararen aitzakian beraien soldata ziurtatzeko. Kasualitatea izango da Bilduko bi zinegotzi aldizkarian lanean aritzea. UEMA elkarteko kontuekin gauza bera, euskara erabiltzen dute Getarian egoera larrian egongo balitz bezala, eta zorionez %90etik gora euskaraz hitz egiten dugu; hori bai, arkitekto euskalduna eta laugarren hizkuntza eskakizuna zuena kaleratu eta erdalduna eta jubilatzeko aukeran dagoena kontratatzen dute. Aldundiari bueltatu behar zaion diru kopuruaz ere ez dira garbi jokatzen ari, izan ere bueltatu beharrekoa azkenean gehiago izango da eta horrek utziko duen zorra denon patriketatik ordaintzea tokatuko zaigu, aurretik lanak behar bezala egin ez direlako. Inbertsioen kasuan, berdin. EAJk negoziatu eta lortutako 200.000 euro sartu dituzte aurrekontuetan. Guk haurreskola egiteko negoziatu genuen diru kopuru hori Sahatsagako etxeekin batera obra hau bukatzeko. Aralar alderdiaren lehentasuna, itxura batean, haurreskola egitea omen zen; orain dakigun gauza bakarra da ez dela egingo. Inbertsioak bultzatu egin behar dira, gaurko egoerak hori eskatzen duelako, baina Bildu eta Aralarren gaitasun ezagatik lehendik zeuden 200.000 euro horiek bakarrik erabiliko dituzte. Diru laguntzak? Partida hau hirukoiztea izango zen normalena, behar diren ateak joaz eta diru laguntzak eskuratuz, beti egin den moduan, baina keba... ezta hori ere.

Andoni Aristi Ibarra

EAJko zinegotzia Getariako Udalan

votos

comentarios

(?)