Mikroipuinen liburu bat kaleratu berri du 'Sarrik'

Donostia. Joseba Sarrionandiak, Martuteneko gartzelatik ihes egin zuenetik 25 urte pasa diren honetan, beste liburu bat idatzi du erbestetik. Oraingoan, 133 mikroipuinez eta Lierni Altuberen 122 marrazkiz osatutako Idazlea zeu zara, irakuurtzen duzulako lana atera du argitara, Hik Hasi egitasmo pedagogikoaren barne. Hausnarketa sustatzeko eta pentsamenduaren autonomia eta ikuspegi kritikoa lantzeko dira ipuin zein marrazkiok eta lanketarako proposamen didaktiko gisa aurkeztu ditu argitaletxeak.

Iurretako idazlearen azken lanaren helburuetako bat gaztetxoen imaginazioa aktibatzea da; Irakurlea, pertsonaiaren azalean jarriaz gozatu araztea. Fantasiaren munduan bidaiatzea bilatu du autoreak, umorea eta absurdua nahastuaz.

Mikroipuinak ez dira batere zurrunak eta era oso desberdinetan interpretatu daitezke. Xabier Mendigurenek azaldu du liburua hiru zatitan banatua dagoela; lehen zatiak fantasia du ardatz, bigarrenak eskola erakusten du "gizartearen metafora edo alegoria" gisa eta hirugarrena gai soziologikoetan oinarritzen da. "Egilearen pentsamendu antidogmatikoa azpimarratu behar da, besteen azalean jartzea bultzatzen baitu lanak", dio Mendigurenek, "egia absoluturik ez dagoela erakutsi nahi du".

Mikronarrazioen generoa genero zaharrena dela, eta Euskal Herrian, Azkue zein Miranderekin batera, Joseba Sarrionandia izan dela disziplina hau gehien landu duena argitu du editoreak. Idazlea zeu zara, irakurtzen duzulako haurrentzat zein helduentzat egindako liburu bat da, denentzat gomendagarria".

Ipuinak antzezlan Ander Lipus, Miren Gaztañaga, Ainara Gurrutxaga eta Urko Redondo aktoreek liburuko hainbat ipuin an-tzezlan bilakatuko dituzte, datorren urtean, eskola eta ikastertxeetan emanaldiak burutzeko. Irakasleekin adostuta, ikasleek antzezlana ikusi aurretik landuko dituzte ipuinaren edukiak eta antzezlana ikusi ostean ondorioak eta hausnarketak egingo dituzte ikasleekin interakzio bat sortuz.