Diario de Noticias de Gipuzkoa. Noticias de última hora locales, nacionales, e internacionales.

Períodico de Diario de Noticias de Gipuzkoa

Herramientas de Contenido

Inicio
- Bertan
  - Donostia

Mintzodromoa antolatuko dute bihar antiguako dokan

Euskararen erabilera sustatu nahi du 200 pertsona bilduko dituen ekitaldiak

e.a.s. - Martes, 25 de Mayo de 2010 - Actualizado a las 07:42h

votos

comentarios

(?)

Donostia. Euskararen erabilera sustatu eta hizkuntza ikasten ari direnen artean jarrera aktiboa bultzatzeko helburuarekin, Mintzodromoa antolatu dute biharko Udal Patronatuak, Bagera Euskaltzaleen Elkarteak eta hiriko sei euskaltegik. Hitzordua 10.00etan izango da Antiguako Doka Kafe Antzokian.

Antolatzaileek atzo esan zutenez, euskara ikasten ari diren 200en bat lagunek hartuko dute parte ekitaldian. Lau laguneko taldetan banatuta, 15 minutuko mintza praktikak egingo dituzte parte-hartzaileek eta denbora tarte horretan hiru gairen inguruan hitz egingo dute euskara hutsean, euren iritziak konpartitu eta hizkuntza praktikatzeko asmoz.

Hizkuntza Normalkuntzarako zinegotzia den Ainhoa Beolaren esanetan, "ekimena baliagarria da oso euskara ikasten ari dena hizkuntza horretan hitz egitera animatzen delako; euskara jakin arren, euskaraz aritzeko aukera gutxi duenari horretarako modua ematen zaiolako eta nahiz eta euskalduna izan, ohituraz, euskara gutxi egiten duenari motibazioa areagotzeko balio duelako".

Bagerako bozeramaileak, Aitziber Guruzeagak, gogoratu zuenez, elkarteak hamabost urte daramatza min-tza praktikak eskaintzen. Azken Mintzodromoa, esaterako, abenduaren 3an izan zen, Euskararen Nazioarteko Egunean hain zuzen ere, eta jende andanak hartu zuen parte.

Euskal hiztunen arteko harremana bultzatu duen programa garran-tzitsuenetariko bat Mintzalaguna izan da. Kasu honetan hiru laguneko taldeak osatzen dira; bi euskara ikasle eta mintzalaguntzailea eta astean behin euskaraz hitz egiteko elkar-tzen dira. Programa honek jarraipena izango du udan eta interesa daukatenek izena eman dezakete jada.

votos

comentarios

(?)