Diario de Noticias de Gipuzkoa. Noticias de última hora locales, nacionales, e internacionales.

Períodico de Diario de Noticias de Gipuzkoa

Herramientas de Contenido

Inicio
- Bertan
  - Urola Erdia

Debabarrena-Urola Erdia

Azpeitiak ekintza ugari antolatu ditu 2010ean Herri Gutunaren 700. urteurrena ospatzeko

Hitzaldiak, jaialdi bereziak, liburu aurkezpenak eta lehiaketak izango dira

Ainara Martinek urteurrenerako egindako logotipoa gune eta leku desberdinetan ikusi ahal izango da

Jabi Leon - Sábado, 23 de Enero de 2010 - Actualizado a las 10:21h

votos

comentarios

(?)

Vista:

Galería Noticia

Azpeitia. Azpeitiko Herri Gutunak 700 urte betetzen ditu aurten eta data berezi hori gogoratzeko mota askotariko ekintzak izango dira urte osoan zehar herrian. Okasiorako prestatutako egitaraua atzo aurkeztu zuten udaletxean.

Egungo krisi ekonomikoak eragina izan du Udaletik bultzatutako egitaraua antolatzeko orduan baina, hala ere, udal agintariek urteurrena "duintasunez" gogoratzeko aukera izango dela nabarmendu dute.

Julian Eizmendi alkateak esandakoari eutsiz, "antolakuntza eta administrazio aldetik, orain dela 700 urte jasotako dokumentua urrats garrantzitsua izan zen eta orain, atzera begirada bat eman eta etorkizunerako hausnarketa egin ahal izango dugu".

Horrela bada, antolatutako ekitaldiek urteurrena agertzen lagunduko dute. Besteak beste, hitzaldiak, jaialdi bereziak, liburu aurkezpenak eta lehiaketak izango dira.

Era berean, Ainara Martinek egindako logotipoa ikus ahal izango da gune eta leku desberdinetan. "Irudi hori herriko etxeetan banatuko diren erosketak egiteko poltsetan eta taberna eta elkarteetan izango diren azukre poltsetan azalduko da", esan du Ana Mendizabal zinegotziak.

Bestalde, Azpeitiko arlo desberdinak jorratuko dituen liburu bilduma eta umeei zuzendutako ipuin bilduma argitaratuko dituzte.

Udalak 700. urteurreneko egitarau zabala antolatzen aritu diren pertsonen laguntza eskertu du eta herritar guztiak animatu nahi ditu prestatutako ekintzetan parte hartzera.

Ildo beretik, udal arduradunek Azpeitiko historia ezagutzeko egingo diren ekitaldi guztiak irekiak izango direla nabarmendu dute.

"Azpeitian zer?" lehiaketa Udalak maiatzera arte luzatuko den lehiaketa berri bat abiatu du urtarrileko Azpeitian zer? aldizkariko alearen bitartez. Bertan, herriari buruzko galderak egiten dira eta amaitzen denean, erantzun egoki gehien dituztenek sariak jasoko dituzte.

Guztira, 100 galdera izango dira bost hilabetetan banatuta. Alde batetik, 14 urte arteko haurrentzako maila izango da eta bestetik, adin hori gainditzen dutenentzako maila. "Galderak erantzuteko liburuetan begiratzea beharrezkoa izango da eta honek historia gehiago irakurtzea eta ezagutzea ekarriko du", azaldu zuen Imanol Elias historialariak atzoko aurkezpenean.

votos

comentarios

(?)