Diario de Noticias de Gipuzkoa. Noticias de última hora locales, nacionales, e internacionales.

Períodico de Diario de Noticias de Gipuzkoa

Herramientas de Contenido

Inicio
- Bertan
  - Urola Kosta

Aste honetan hasiko da Zumaiako Udala Berdintasun Plana herritarrekin osatzen

gizarteratzea

landuko dute bihar, 19.00etan, Brankan

Bizilagunek arloka dauden ezberdintasunak aztertu eta ekintzak proposatu ahal izango dituzte bileretan

ainara lozano - Martes, 13 de Octubre de 2009 - Actualizado a las 07:20h

votos

comentarios

(?)

Vista:

Galería Noticia

zumaia. Zumaiako Udala Berdintasun Plana osatzen hasiko da aste honetan bertan. Horretarako, herritarren parte-hartzea ezinbestekoa dela jakinarazi du Iñaki Agirrezabalaga alkateak. Lan talde tematikoak sortuko dira eta lehen bilera bihar egingo dute, 19.00etan, Branka eraikinean (Gizarte Zerbitzuak).

Fondo Formación Euskadi erakundeko Itsasne Loroñok azaldu duenez, ekainean aurkeztu zen berdintasun diagnostikoan Zumaiako gizon eta emakumeen artean hainbat esparrutan dauden ezberdintasunak aztertu eta beharrak identifikatu ziren. Orain, Berdintasun Plana osatzeko momentua heldu da eta tresna horren bitartez, ezberdintasun horiek murriztuko dira, partaidetza orekatua izan dadin.

Horretarako, Udaleko hainbat arlotan lau urtetan jarraitu beharreko ibilbidea prestatuko dute, arlo bakoitzeko helburuak eta ekintzak zehaztuz. Ondokoak izango dira landuko diren arloak: Udaleko barne antolamendua; Kultura; Kirola; Gizarte Zerbitzuak; Hirigintza, Garraioa eta Ingurumena; Hezkuntza; Osasungintza eta Lana-enplegua. Bestalde, emakume talde, eragile, auzokide eta udal teknikari zein politikarien iritziak, ekarpenak eta proposamenak jasotzeko asmoz, lan talde tematikoak sortuko dituzte. Azaroa bitarte, astean behin bilera bat egingo dute proposamenak biltzeko.

Honela, bihar, gizarteratzea landuko dute, hilaren 21ean kultura eta kirola aztertuko dituzte, urriaren 28an hirigintza, garraioa eta ingurumena, hezkuntza azaroaren 4an, azaroaren 11n osasungintza eta azaroaren 18an berriz, enplegua.

berdintasun teknikaria Agirrezabalagaren esanetan, "gabezia zegoela ikusita, Gizarte Zerbi-tzuetako baliabideak bikoiztu ditugu". Hala, orain hiru gizarte langile ditu Udalak. "Itxaron zerrendak dezente murriztuko dira", gaineratu du alkateak. Gainera, hemendik aurrera, herritarrek Berdintasun teknikari berriarengana, Edurne Arrutirengana gerturatzeko aukera izango dute.

Arlo guztietan Berdintasun arloa Gizarte Zerbitzuetatik kudeatuko bada ere, Loroñok nabarmendu duenez, "herriko arlo guztietan ematen dira ezberdintasunak". Hori dela eta, elkarrizketak egingo dizkiete gizarte eragile eta Udaleko teknikari zein politikariei eta abendu hasieran gizarte foro bat antolatuko dute. Bertan, Berdintasun Planaren zirriborroa aurkeztuko dute, ekarpenak jasotzeko asmoz.

Iradokizun buzoi birtuala ere jarriko dute prozesu guztian zehar, zumaiarrek edozein proposamen bidaltzeko. Helbide elektronikoa ondokoa da: komunikazioa@zumaiakoudala.net. Urtarrilerako plana osatuta egotea espero dute arduradunek.

Emakume gehiago 800 euro kobratzen

Ekainean aurkeztu zituzten Fondo Fundación Euskadi eta Zumaiako Udalak eginiko emakume eta gizonen arteko berdintasun diagnostikoaren emai-tzak. Bertan azaldu zutenez, Zumaiako gizonen eta emakumeen ezberdintasuna aztertzea izan zen ekimenaren helburu nagusia.Hainbat esparru aztertu zituzten txostena egiteko: biztanleriaren ezaugarriak, lana eta enplegua, gizarteratzea eta pobrezia, emakumeen aurkako indarkeria, hirigintza, gizarte partaidetza, Udala, kirola, osasuna… Eta esparru horietan oinarrituta, azterketa kuantitatiboak eta kualitatiboak egin zituzten. Lanketa horretatik hainbat emaitza atera zituzten. Diagnostikoaren arabera, udalerriko emakumeen okupazio tasa %68,4koa den bitartean, gizonezkoena %85 da. Halaber, emakumeen lana zerbitzuetara mugatuta dago (%87,3). Udalaren esanetan, lan arloari lotuta ere, "ezberdintasun adierazgarriak" ikusten dira soldatari dagokionean: "800 eurotik behera kobratzen duten pertsonen %83,2 emakumeak dira; aldiz, 1.500 eurotik gorako soldata jasotzen dutenen artean emakumeak %27,5 dira". Gainera, emakumeek baino gizonezko gehiagok hartzen dute parte herriko elkarteetan.

votos

comentarios

(?)